Diego Forlan a chak lo nghal

On Nov 15, 2024 10 0

Fotoballer hriat hlawh tak, World Cup-ah Best player lo ni hial tawh leh Manchester United-ah pawh lo khel hial tawh Diego Forlan chuan professional Tennis-ah bul a tan ve ta a, mah se chiang zetin an chak lo nghal thung.
Forlan hian football a chawlhsan hnuin Tennis a tuichilh chho a, amateur huangah a khelh tlauh tlauh hnuin ningani khan a vawikhat nan professional Tennis a khel. Professional Tennis a khelh hmasak ber hian Forlan hi kum 45 mi lai a ni tawh. Forlan leh a kawppui Federico Coria te hian ATP Challenger Tour an hmachhawn. He inelna hia ATP tour hnuai a ni. An khingpui Boris Arias leh Federico Zeballos te inkawp an ngam lo viau a, minute 47 chhung lekin 1-6, 2-6 in an tlawm hman der.
Tarlan tawh angin football khawvelah Forlan hian hriat a hlawh hle. Uruguay tan vawi 112 khelin goal 36 a thun a. World Cup 2010-ah khan Best Player niin Golden Ball a dawng hial nghe nghe. Football a khelh chhungin Manchester United, Villarreal, Atletico Madrid, Internacional leh Penarol te trophy a lakpui. Kum 2018 khan football a chawlhsan. Football a chawlhsan vang vang hnuin Tennis a luhchilh zui leh a ni a, eng tak ang zui zel ang maw le?mah se an khingpuite an lehthal zo lova, Warriors hian point 120-117 in hnehna an chang ta a ni. He inkhelah hian Stephen Curry chuan point 37 a thawkchhuak a. Mavericks atanga kir leh Klay Thompson chuan point 12 a thawkchhuak ve bawk.