Er. Chhungpuia Renthlei
Senior Technical Officer
NIELIT Aizawl
-- Advertisement --
India sorkar laipui chuan digital technologies lama zirna sang zawk kan neih theih nan chak takin hma a la reng a, awareness program, training leh skill development pawh a kalpui nasa hle. Hemi kawnga rahbi pawimawh tak ni turin National Institute of Electronics & Information Technology (NIELIT) chu nikum 2024 kum tawp lam khan Ministry of education chuan Deemed to Be University status distinct category hnuaiah a pe(conferred) a. NIELIT chu India sorkar laipui Ministry of Electronics & Information Technology (MeitY) hnuaia university awm chhun leh hmasa ber a lo ni ta.
Gazette Notification dated 15th July 2024 a tarlan danin NIELIT Ropar(Punjab) chu main campus a ni a, NIELIT Centre 11:- Aizawl, Agartala, Aurangabad, Calicut, Gorakhpur, Imphal, Itanagar, Kekri, Kohima, Patna leh Shrinagar te chu constituent unit ah dah ani bawk. Kumin 2025 January 03 (Zirtawpni) khan Shri Ashwini Vaishnaw, Hon’ble Minister of Railways, Information & Broadcasting and Electronics & IT, Govt. of India chuan NIELIT Deemed University chu NIELIT Guwahati ah a hawng. Sri Lakshman Prasad Acharya, Hon’ble Governor of Assam, Dr. Himanta Biswa Sarma, Hon’ble Chief Minister of Assam te an tel bawk India rama semiconductor skilling ecosystem tichak turin Dr. M.M. Tripathi, Director General of NIELIT leh Tata Electronics Private Limited (TEPL) aiawh ten Memorandum of Understanding (MoU) an ziak nghal. Video Conferencing hmangin NIELIT staff leh sorkar official ten state hrang hrangah an chhim bawk.
National Education Policy (NEP) 2020 nena kalpui turin NIELIT University hnuaiah hian technology changkang tak tak :-Artificial Intelligence, Machine Learning, Blockchain Technology, Industry 4.0, Semiconductor Design & Manufacturing, Automotive Electronics, Drone Technology, Cybersecurity & Forensics, Bioinformatics e.t.c ah te Undergraduate, Postgraduate, leh Ph.D. programs thleng zir theih tura ruahman a ni. Zirna tha (quality education) neih ngeina turin advanced technologies virtual labs, immersive content, leh AI-driven personalized learning solutions nena zirna hi kalpui a ni bawk ang.
NIELIT hi Ministry of Electronics and Information Technology, Govt. of India hnuai awm a ni a, main office hi East Kidwai Nagar, New Delhi ah a awm. Information Technology lama eizawnna tlak thiamna nei tura mi chherchhuah hi a tum ber a ni. Tunah NIELIT, Aizawl, Zuangtui ah hian heng course chi hrang hrang – MCA, MSc (Electronics), BCA leh Diploma (Electronics leh Computer Science) zirna bakah short term course leh PhD zirna thlengin hawn mek a ni a, digital technologies lamah higher education hawn belh zel a ni ang.
NIELIT hian Information, Electronics and Communication Technology (IECT) ah training leh skill development a buaipui nasa hle. Tunah hian 50+ centers, 700+ accredited institutes, leh 9,000+ facilitation centers nen India ram pumah a inzar pharh mek. Digital India program hlawhtlin nana hmalatu ber zinga ami a ni a, tunlai technology thar tangkai taka kan lo hman thiam ve theih nan kum 5 chhungin 3.7 million students training pe turin a inbuatsaih mek bawk.
Information Technology lama India sorkar hmalakna zarah IT zirna University kan nei ve ta hi a lawmawm tak zet. Mizo thalaite pawhin kan ram chhung ngeia certificate course atanga Ph.D thleng zirna kan nei ve ta hi alawmawm hle. College a kal mawl tawp lova, eizawnna tha zawk nei thei tura digital technologies lama ke kan pen a, Mizoram sorkar leh mipui ten NIELIT deemed university hi kan chhawr tangkai thiam phawt chuan hmasawnna thar kan nei ngeiin a rinawm.