Zirlaite pual Hackathon nei zo
Mizoram Police leh National Institute of Technology (NIT) Mizoram tangdun buaihsaih ‘Hackathon (Hackventure)’ chu Inrinni khan a kharna inkhawm hman a ni a. Home minister Lalchamliana leh DGP Mizoram Devesh Chandra Srivastva ten an telpui.
Hackathon hi April 27 khan larsap Hari Babu Kanbhampati chuan hawngin, mipui leh police inkara thawhhona tha a awm zel theihna tur leh thalai mithiam zawkten police-te hnathawhna kawnga hmasawnna a awm belh zelna atana tha leh ngaihtuahna an sen thiam theihna tura ruahman a ni.
Home minister chuan police-te Hackathon hian hlawkna tam tak a thlen ngei dawna a hriat thu a sawi a. Thalai leh zirlaite pawh ram leh khawtlang hmasawnna leh thatna tura ngaihtuahna leh tha seng zel turin a chah.
DGP pawhin zirlaiten police-te tana thil tangkai tur kawng hrang hrang an rawt chhuahte chu pawimawh a tih thu sawiin, police-te tan pawh tih dan phung pangngai baka hma sawn a pawimawh tih a sawi. Police-te tana chona lian leh hautak – cyber crime, ruihhlo, traffic management, wildlife protection, hmeichhia leh naupang laka hleilenna, smuggling leh adt. ah thalaite leh mipui vantlang thahnemngaihna zar zo tur hlawk tak a awm chhoh zel a beisei tih a sawi a ni.
India ram hmun hrang hrang leh Mizorama engineering zirlai, Mizoram University, Govt Zirtiri Residential Science College, NIELIT leh ICFAI atangin Hackventure-ah hian zirlai 206 an tel a, Cyber security quiz, web development contest leh idea pitching contest te neih niin, a kharna inkhawmah hian heng intihsiaknaa lawmman hi sem a ni.
Event neih ni thum chhung hian cyber kaihhnawih thil pawimawh hrang hrang, hetiang lama mithiamte thusawi ngaihthlak a ni bawk.
Zirlaite pual Hackathon nei zo
Get real time updates directly on you device, subscribe now.
Next Post