District Education Committee thu

Champhai District Education Committee (DEC) thutkhawm vawi 35-na chu an chairman, district bawrhsap James Lalrinchhana hoa neih a ni.
Champhai district-a zirna inah Scouts & Guides unit a tam thei ang ber din a nih theihna’n chak zawka hma lak chhunzawm nise, an ti a. High school leh higher secondary school zirlaitan career guidance, NEP 2020 anga university course kalpui tur leh Common University Entrance Test (CUET) chungchangah awareness campaign neih nise, an ti bawk. SDEO office hmun hlui Urban Primary Health Centre atana hawh mek pawh ngaihtuah ho a ni.
DEC thukhawm chuan Champhai district tana Project Approval Board-in kum 2023- 2024 chhunga hmalakna tur a pawmpuite an thlir hoa, elementary education atan cheng nuai 1222.84, secondary education atan nuai 1078.93 leh teacher education atan nuai 178.89, a vaiin nuai 2480.65 pawm a ni.