Kum thum chhung doctor nghet nei loa awm tawh Tipa Primary Health Centre-a doctor dah ngiatin vawiin, June 26 atang hian Tipa (Tuipang) a sawrkar office leh school zawng zawng khar a ni dawn.
Joint Action Committee Tipa thuchhuak chuan Tipa PHC hi Mizorama damdawi in ding hmasa pawl niin, kum 2020 atang khan doctor nghet nei loin an awm tawh a. Khawtlang hruaituten vawi engemawzat sawkar thuneitute hnena an harsatna an thlen tawh hnu leh, JAC kaihruaina hnuaiah sit-in demonstration an huaihawt hnu ah pawh an mamawh ang chhanna leh inbiakna hlawhtling an la hmu lo tih a sawi.
Hei vang hian June 26 – 28 chhung hian ‘office picketing’ neih an tum a. Tipa khawchhunga sawrkar department office leh zirna in (institution) zawng zawng khar vek turin JAC chuan a hriattir tih a sawi a. Heti chung pawha sawrkarin doctor nghet a pe lo a nih chuan June 30-ah an kal zel dan tur tur JAC chuan a ngaihtuah leh dawn tih a sawi.
Doctor ngiatin office leh zirna in khar tum
Get real time updates directly on you device, subscribe now.
Prev Post
Next Post