Chief minister Zoramthanga hmalakna avangin state-in hmasawnna tam tak a nei a. A taimakna, hnam thinlung a phutna leh a hmathlir tha tak chu a chhuanawm hle tih MNF party chuan an sawi.
MNF Media & Publicity Department hotute chuan, tun sawrkar leh a bikin chief minister chu hna thawk mang lo, engmah tih nei lo ang hialin mi thenkhatin an puh thin a. Mipui zingah awih tawk an awm leh thin avangin chief minister leh sawrkar hmalakna tam tak zinga thenkhat tal sawi a tul tih an sawi.
Chief minister Zoramthanga hmalakna avangin sawrkar laipuiin Union budget-a lang meuhin sum hranpa a pek thu te, district thar pathum tihpuitlinnana hmalakna, leiverh lei dawh bakah kawngpui tha siam kawnga hmalakna, thalaite tan infiamna hmunhma hrang hrang siam bakah vantlang intawm theih thil tangkai tak tak siam kawngah chauh pawh hna tam tak thawh a ni tih an sawi.
“PWD hnuaiah chauh pawh hmasawnna hnathawh hi chipchhiara tarlang tur chuan bu chhah fe daih a ni a, tarlan mai a remchang lo hial zawk a ni,” Media & Publicity general secretary VL Krosshnehzova chuan a ti. PWD minister ni a nasa taka hma a lak avangin, Zoram dung leh vangah kawng tha kan nei ta mek a. Inkalpawhna kawng tha ta avang hian mipuiin awlsamna nasa tak kan neih bakah sum leh tha kan hum nasa hle tih a sawi.
Pathian leh mipui duhsakna changin kumin MLA inthlan turah pawh hnehna sang tak, chief minister Pu Zoramthanga hoa an chan ngei an ring tih an sawi a ni.
Chief minister-in hna a thawk tha – MNF
Get real time updates directly on you device, subscribe now.