Doctor pass tharte lawmpui

Doctor pass tharte lawmpui
Congress party chuan Mizoram medical college atanga doctor pass hmasa berte an lawmpui tih a sawi.
MPCC office bearers thukhawm thuchhuak chuan resolution a siam a. Congress sawrkarin harsatna tam tak paltlanga kum 2018-a medical college a din, Mizoram Institute of Medical Education and Reasearch (MIMER), MNF sawrkarin Zoram Medical College (ZMC) tia hming a thlak takin MBBS first batch result tha tak a nei chu lawmawm a tih thu a sawi a. Doctor zir 95 zinga pass 68 (71.57%) te leh staff zawng zawngte a lawmpui takzet a, hlawhtling ve ta rih lote pawh hlawhtling zui ngei turin duhsakna a hlan tih a sawi a ni.
‘Mizoramin medical college a neih theihna’na tha thawhtu zawng zawng, chief minister hlui Pu Lal Thanhawla leh Health minister Pu Lal Thanzara te, sum mamawh engkim ngaihtuahtu, a hunlaia Finance minister Pu Lalsawta leh hotu dang, official zawng zawngte Congress party-in kan hrereng a, an thawhrimna azara medical college nei thei kan ni tih hrereng turin Mizoram mipui kan ngen a ni,’ a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More