Mizoram Chess-in an hruaitu sun

Mizoram Chess-in
an hruaitu sun
Mizoram Chess Association (MCA) chuan April ni 8, 2023-a lirthei chesuala thi ta an pawl vice president C. Lalremsiama (Ma-puia) sunna thuchhuah an tichhuak.
MCA chuan Mapuia an ui takzet tih tarlang chungin, an thlahliam tak chu Mizo chess tana mi tangkai leh a awmna apianga theihtawp chhuaha chess tuimite kawikhawmtu a nih thu an tarlang.
“Lunglei, Champhai, Hnahthial, Khawzawl, Kolasib leh sawrkar hna avanga a kalna apiangah chess player-te hui-khawmtu a ni a, hruai-tu nihna – president, senior vice president leh post dang dang a lo chelh tawh thin.
“Aizawl lama a awm hnu hian kumin 2023-a MCA vice president atana thlantlin a ni a, phur taka Mizoram chess tana ke a pen mek laia kan sun ta mai hi tawrh thiam har kan ti takzet a ni.
“Pu Mapuia hi a thawhna hlui Kolasib lamah badminton khel paha zuk hawi khaw-thawn tumin a chhuak a, Inrinni chhun dar 12:30 vel kha Buichali lei bulah chesualin, tlai dar 5 vel khan a motor an hmuhna atanga hla lo teah a ruang hi hmuh a ni ta a ni.
“Mizo chess chuan Pu C. Lalremsiama kan chan ta mai hi pawi a ti a, a chhungte a tuarpui takzet a ni,” tiin Mizoram Chess Asso-ciation chuan thu-chhuah a siam.