World number one Iga Swiatek chuan final-a a khingpui American Jessica Pegula laka 6-3, 6-0 hnehna changin karliamta Inrinni khan Qatar Open title a kawl lai a humhim a, Doha khawpuia Khalifa Inter-national Tennis and Squash Com-plex-ah a ropui leh ber.
Poland star hian 6-0, 6-1 ve vea Danielle Collins leh Veronika Kuder-metova hnehin quarter-final bye a chang a, Qatar rama match thum a khelhah game nga chiah a hloh.
French leh US Open champion lai hian Doha khuaa a title kawl lai a humhim hnu on-court interview-ah bye a hmu khan final match atan a pui hle tih sawi chungin game a lak tam leh tlemin amahah kawngro a su lo tih a sawi.
Tun kha kumin bika Swiatek-i title hmasaber niin, kumina grad slam tournament hmasaber Australian Open fourth-round lamah khan Wimbledon champion Elena Rybakina a hneh lo.
Nikum khan Pole hian a vawikhatna atan Doha title hawnin, match 37 a chawkzawn piahlamah French Open title a chang a, Indian Wells, Miami, Stuttgart leh Rome-ah champion bawkin, kumina a title hmasaber hi a WTA singles title 12 a lakna chiah a ni.
Doha khawpuiah Swiatek daw-ha lo!
Get real time updates directly on you device, subscribe now.
Prev Post
Next Post