Doja Cat-i’n Pop Songwriter of the Year a dawng

Doja Cat-i’n Pop Songwriter of the Year a dawng
2023 BMI Pop Awards chu Beverly Wilshire Hotel, Beverly Hills, California-ah an sem ta a, Doja Cat hnenah BMI Pop Songwriter of the Year hlan a ni a, The Kid LAROI leh Justin Bieber te hla hit ‘Stay’ chuan BMI Pop Song of the Year a dawng a, Sony Music Publishing chuan publisher of the year an dawng bawk. Khalid pawhin BMI Champion Award a lo dawng tawh bawk a ni.
He award semna hi private event a neih niin, BMI president leh CEO Mike O’Neill leh vice president worldwide creatuve Barbara Cane ten an host dun a ni.
Doja Cat hian 2022-a hla perform nasat zual 50 zingah hla paruk a nei thei a- “Get Into It (Yuh)” (SULLY leh Y2K nena an phuahho), “I Like You (A Happier Song)” (Jasper Harris nena an phuah dun), “Need to Know,” “Vegas” (Rogét Chahayed leh Yeti Beats te nena an phuahho), “Woman” (Aaron Horn (PRS), Linden Jay (PRS), Jidenna leh Yeti Beats te nena an phuahho) leh “You Right” te an ni a, heng hlate avang hian Pop Songwriter of the Year hi a dawng ta a ni.
BMI Pop Song of the Year chu ‘Stay’-in a dawng a, he hla hi Cashmere Cat, Isaac “Zac” De Boni, Omer Fedi, Haan, The Kid LAROI (APRA), Michael “Finatik” Mulé, Charlie Puth leh Blake Slatkin te phuahho a ni a, a hla hi Billboard Hot 100-ah No.1 kaiin, kar 40 chhungin chart top 10-ah a lang thei a, Apple Music-ah 2022-a hla stream nasat ber a ni bawk.
BMI Champion Award chu Khalid hnenah hlan a ni a, award a dawn hnuah Khalid hian a hla hit hrang hrang acoustic performance a nei nghal a, chung zingah chuan ‘Location,’ tih hla bakah ‘Better’ leh ‘Talk’ tih hlate pawh a tek. Khalid hian BMI award hi 18 a dawng tawh a, 2020 khan BMI Pop Songwriter of the Year niin, a hla hit ‘Talk’ chu BMI R&B/hip-hop song of the year a ni tawh bawk. Khalid hi midangte tanpuina kawngah pawh a thawk nasa hle a, a nu Linda Wolfe nen ‘The Great Khalid Foundation’ an din a, naupang harsa zawk te tan music education program leh scholarship award te an pe thin.