London West Hollywood-a ASCAP 2023 Rhythm & Soul Music Awards-ah Dr. Dre chuan Hip-Hop Icon Award a dawng a, a award dawn hi Snoop Dogg-a’n a hlan a, Dr. Luke-a’n songwriter of the year award a dawng bawk.
Kumin hi Dr. Dre tan kum tha a ni a, February thla khan Grammy Award-ah Global Impact Award pawh a lo dawng tawh a, he award hi LL Cool J-a’n a hlan a, Dre hian Grammy award dang pasarih a dawng tawh bawk a ni. Nikum September khan Pepsi Super Bowl LVI Halftime Show-ah Snoop Dogg, Mary J Blige, Eminem, Kendrick Lamar leh 50 Cent te nen an perform hona avangin Primetime Emmy a lo dawng tawh bawk a ni.
ASCAP event-ah hian Dr. Luke chuan Latto hla hit ‘Big Energy’ bakah Doja Cat hla hit ‘Need to Know’ leh Nicki Minaj ‘Super Freaky Girl’ hlaa co-writting avangin songwriter of the year a dawng a, Nigerian record production leh songwriting lama thawk dun thin, unau Uzezi Oniko leh Okiemute Oniko te chuan R&B/hip-hop song of the year an dawng a, he award hi Wizkid featuring Tems ‘Essence’ te hla sak an phuahna atanga dawng an ni a, Warner Chappel Music chuan he hla avang hian publisher angin award an dawng bawk.
Dwan Hill chuan CeCe Winans hla hit ‘Believe for It’ hla avangin gospel song of the year a dawg a, Big Buddy Music leh Fun Attic Music ten he hla avang tho hian publishing-ah award an dawng bawk.
ASCAP Rhythm & Soul Music Awards-ah hian songwriter leh publisher te an chawimawi thin a, kum khat chhunga an hla perform nasat dan atanga tehin award dawng tur hi thlan thin a ni a, a tehna atan hian Luminate data, terrestial leh satellite radio leh streaming services te chu ASCAP Rhythm & Soul Music awards rules milin an hmang thin a ni.
Dr. Dre-a’n Hip-Hop Icon Award a dawng
Get real time updates directly on you device, subscribe now.