Ram tana match 66 khel tling tawh Liverpool captain Virgil van Dijk chu Euro 2024 khel tur Netherlands final 26-man squad-ah a tel a, Reds player pathum lang zinga pakhat a ni.
Netherlands captain Van Dijk ruala Dutch boss Ronald Koeman-a’n Liverpool player dang pahnih a thlen ve dangte chu midfielder Ryan Gravenberch leh striker Cody Gakpo-te an ni.
Hliam avanga ngai la awh ha lo Barcelona midfielder Frenkie de Jong pawh final squad-ah hian telh niin, a kheimit hliam avangin thla khat chuang a inkhel thei tawh lo a, chuti chungin Germany ram tournament lianah hian chhawr hman an beisei niin a lang.
Chelsea lama loan-a khel mek Borussia Dortmund left-back Ian Maatsen chuan final squad-ah hian hmun a chang ve ta lo a, ani bakah Atalanta midfielder inhliam Marten de Roon, Sparta Rotterdam goalkeeper Nick Olij leh Feyenoord midfielder Quinten Timber-te chu hmuh tur awm lo langsar zual an ni.
Netherlands hian tunthla warm-up match pahnihah Canada leh Iceland an infiampui dawn a, June ni 16 khian Hamburg khuaa Poland hmachhawn chungin tournament bul an \an ang. Koeman-a team hian Group D match dangah France leh Austria sut tur an nei bawk.
-- Advertisement --
Netherlands squad
Goalkeepers: Justin Bijlow (Feyenoord), Mark Flekken (Brentford), Bart Verbruggen (Brighton & Hove Albion)
Defenders: Nathan Ake (Manchester City), Daley Blind (Girona), Virgil van Dijk (Liverpool), Denzel Dumfries (Inter Milan), Jeremie Frimpong (Bayer Leverkusen), Lutsharel Geertruida (Feyenoord), Matthijs de Ligt (Bayern Munich), Micky van de Ven (Tottenham Hotspur), Stefan de Vrij (Inter Milan)
Midfielders: Ryan Gravenberch (Liverpool), Frenkie de Jong (Barcelona), Teun Koopmeiners (Atalanta), Tijjani Reijnders (AC Milan), Jerdy Schouten (PSV Eindhoven), Xavi Simons (RB Leipzig), Joey Veerman (PSV Eindhoven), Georginio Wijnaldum (Al-Ettifaq)
Forwards: Steven Bergwijn (Ajax), Brian Brobbey (Ajax), Memphis Depay (Atletico Madrid), Cody Gakpo (Liverpool), Donyell Malen (Borussia Dortmund), Wout Weghorst (Hoffenheim, on loan from Burnley)