EC in Shinde te hnenah symbol leh hming pe

Shiv Sena (Uddhav Balasaheb Thackeray) leader Sanjay Raut chuan Shiv Sena party hming leh symbol ‘bow and arrow’ lei nan Rs 2,000 crore sen a ni tiin a sawi.
Mahse, Maharashtra Chief Minister Eknath Shinde kaihhruai lam MLA Sada Sarvankar chuan hnawl thngin, “Sanjay Raut hi cashier a ni em ni?” a ti let ve thung.
Raut chuan Rs 2,000 crore chu preliminary figure chauh a ni tia sawiin mahse 100% in a dik a ti thung a. Rorel lai party hnaih turu tak pakhatin chu information chu a hrilh a nih thu a sawi a.
A thusawi chuan behchhan leh fiahna a nei tia sawiin a remchan hunah lailan a nih tur thu a sawi bawk a.
“Ram pum huapa ka sawi duh chu Shiv Sena hming leh party symbol te min chhuhsak danah hian thil fello a awm a ni. Sumdawnna thil a ni a, leia lei a ni” tiin Raut chuana sawi.
Election Commission chuan karkalta Zirtawp khan Eknath Shinde kaihhruai te chu Shin Sena tak tak te tia thuremna siamin party symbol ‘bow and arrow’ chu an chan tur tiin a sawi a ni.
Phek 78laia chhah thuremna siamah EC chuan Uddhav Thackeray kaihhruai te lam chu poll symbol ‘flaming torch’ chu State a Assembly poll neihfel hma chuan an hman a remti bawk a.
Hetihlai hian Raut chuan Rs 2,000 crore chu Shiv Sena hming lei nan chuan a tlem lutuk tia sawi thungin. “EU thutlukna hi thutlukna hi inremsiamna a ni” a ti ve thung.
“Information rintlak tak mai ka nei a, Shiv Sena hming leh symbol neih nan Rs 2,000 crore senga inremna siam a ni a. He preliminary figure hi 100% a dik a ni. Hun reiloteah thil tam tak lailan a ni ang a. He ram history ah hetiang thil hi a la thleng ngai lo” tiin Raut chuan a sawi thung.
Union Home Minister Amit Shah an Maharashtra CM hlui Uddhav Thackeray beia ‘opposite ideology te pheikhawk liak’ a tih chu Raut chuan chhang letin, “Maharashtra Chief Minister ni mek hian tu pheikhaw nge a liah mek? Maharashtra hian Shah thusawi hi engahmaha ngai lo. CHief Minister ni mek hian Chhatrapati Shivaji Maharashtra hming a hmang thei lo” tiin a sawi bawk.
Shah chuan karkalta Inrini khan Election Commission in Maharashtra CM Eknath Shinde faction lam te real Shiv Sena tia an symbol hman remtihna a pek hnuah an opposite ideology nei te ‘pheikhawk liaktute’ chuan thudik an hmu ta tiin a sawi a.
Uddhav Thackeray hming erawh lamri lovin Shah chuan kum 2019 Assembly poll hma khan Chief Minister’s post chungchangah inremsiamna siam a ni lo a ti bawk a.
Shiv Sena te hian kum 2019 Assembly poll hnuah Bharatiya Janata Party te nena an inzawmna chhu chatin, an chhutchah chhan an sawiah BJP te chuan CM post in chan chhawkah an thutiam an hlen lo an ti a ni.
Uddhav Thackeray chuan a hnuah Nationalist Congress Party leh Congress te nen thawk hovin Maha Vikas Aghadi (MVA) sorkar a din zui a, nikum June thla khan Shinde pawl te chu hel thutin sorkar chu paihthlak in a awm zui ta a. Ahnuah Shinde lam pawl chuan BJP te nen sorkar an siam leh zui a ni.
Uddhav Thackeray lam pawl Shiv Sena te chuan MLA 40 te lei nan Rs 2,000 crore an seng tia sawiin MLA pakhat zel lei nan Rs 50 crore seng angin an sawi bawk a. Hei erawh a tula la lailan zel tur tiin an sawi zui a ni.
Hetihlai hian Eknath Shinde lam te chuan Uddhav Thackeray lam te chuan Election Commission thuremna chu an khing mai thei tiin an sawi lawk thung a. Hei vang hian Shinde chuan court te chu thuremna an siam hmaa Maharahstra sorkar ngaithla phawt turin a ngen lawk nghal bawk.