Education minister leh zirlai inkawm

On Nov 1, 2025 7 0

Education minister leh zirlai inkawm
Kolasib-a District Institute of Education and Training (DIET) Hostel thar chu Higher & Technical Education Dr Vanlalthlana chuan Zirtawpni khan a hawng.
Minister chuan DIET zirlaite chu zirtirtu hna zahawm tak thawk tura an inbuatsaih laiin rilru paukhauh leh inpekna tak tak an neih a pawimawh tih a sawi a. Naupangte hmangaihna dik tak nei a, an hlimnaa hlimpui thei leh an tahnaah pawh tahpui thei tur khawpa inpekna thuk an neih a ngai tih a sawi. Zirtirtute chu hun vawndik kawngah entawntlak ni a, an post-na hmun apiangah lungawi taka thawk a, an hnathawhna hmun apiang tihhmasawn tuma tan la turin a chah.
He hostel hi PAB Approval 2019- 2020 atanga hmuh niin, a sakna atan Rs. 221,46,637.50 hman a ni a, kumin May 30-a sak zawh a ni.
Hemi hnu hian School Education minister Dr Vanlalthlana hian Govt. Diakkawn High School-ah ‘Meet Your Minister’ programme hmangin zirlaite a kawm a. Govt. Diakkawn High School leh Govt. Kolasib High School atangin zirlai an tel. Zirlaite hian zawhna hrang hrang an zawt a, minister hian zirlaite fuihna thu a sawi bawk.