Electric ban phunin hnatlang

Siaha district, Tipa Power & Electricity Sub Division hnuaia awm Mawhrei khua leh Chapi khua Village Council chu Nilaini khan electric ban phunin an hnatlang.
Mawhrei VC hian electric hrui siamthat leh a line kalna samfai hi kumtin khawpumin hnatlang neih thin mah se, a hrui kalna line – Zyhno via Tisi lui inkarah thingkung lian a tam a; hrui delh, ban chhia a tam thin hle a, fur lai phei chuan electric current an nei tha lo hle thin a. Mawhrei VC chuan siamthat hnatlang hi kartin deuhthaw an nei thin tih sawi a ni.
Nilaini pawh khan Mawhrei VC leh Chapi VC-3 hi electric ban phunin an hnatlang a. Electric hrui kalna sawnin Chheihlu khua kaltlangin BRTF road-ah ban hi an phun a ni. Hnatlanga thawkchhuakte phurhna atan Mawhrei khaw mi inphalten lirthei an thawhchhuah pui a. Volunteer-a electric supply lama department puibawmtu mi pathum an awm nia sawi a ni bawk.