Electric current man thi
Zirtawpni khan Ramrikawnah electric current man vangin mi pakhat a thi
Thudawn danin vanduaina thlenna hmun hi Er Lalruata Sailo te in a ni a, a makpa Micky Lalthansanga Philips s/o Lalthanzuala Philips chu zing chaw ei dawn velah a awmna an hriat loh avangin a mobile phone atangin an call a, call ri an hriat atangin in chung (RCC in) ah an han hmu a ni. In chunga rangva pahnih inkarah hmuh a ni a, electric current-in a man tih hriat a ni ta chauh a ni.
Amah bawihsawm tumtu pawh electric current hian a lo man avangin control room lamah electric line pui an off tir phawt a, chumi hnu ah an inbawihsawm thei ta chauh a, damdawi in panpui nghal ni mah se, a nunna chhan theih a ni ta lo a ni.
Rangvaa electric current hi a hruipui atanga kal nge anmahni ina an pawhna atanga kal tih he chanchin buatsaih lai hian hriat chian ala ni lo a. A ruang hi an chenna, Chaltlangah lak a ni.
Electric current man thi
Get real time updates directly on you device, subscribe now.
Prev Post
Next Post