Elon Musk-an China Everything Apps WeChat entawna kal duh

Kar kalta khan Elon Musk chuan Twitter chu X tih a nih tawh tur thu sawiin chu chu Chinese mega app WeChat anga thil kalpui a tumna kalzel a ni.
Musk chuan a social media firm chu thlak danglam a duh thu sawiin nikuma $44 billion laia a lei chu platform lian zawka chhuah a duh a ni.
A hma pawhin WeChat chu fak tawhin- “everything app” tia hriat lar niin chat, dating, payments leh social media te inchawhpawlh vek niin chutiang ang deuha twitter siam chu hlawhtlinna turu tak a ni ang, a ti.
Kar kaltaa X a post a siamah Musk chuan thla lo la kal turah, “Inbiakpawhna hrang hrang leh financial world te chu suihfin kan tum dawn a ni,” tiin a sawi.
X hmangin revenue sang zawk a neih theih a beisei a, Musk hian twitter a lei hnuah company-in advertising revenue a neih thin chu a zah ve vel lawih a hloh tawh a, sum tam tak leiba neiin a awm mek bawk.

WeChat chu eng nge a nih a, eng vangin nge Musk an a entawn?
Kum 2011-a technology giant Tencent tena an siam niin WeChat chu China-a mipui 1.4 billion tin deuhthaw tena an hman a ni.
Super-app tia sawi chuan a phawk chhuak zo lo hial zawk tia sawi a ni a. WeChat hnuaiah hian messaging, voice leh video calling, social media, food delivery, mobile payments, games, news leh dating te thlengin a tih theih vek a.
WhatsApp, Facebook, Apple Pay, Uber, Amazin, Tinder leh a dang dangte pakhata awmkhawm tir vekna ang mai a ni.
Chinese society ah a inphan hneh tawh em avangin WeChat chu ni tin nunphunga tihmakmawh anga ngaih a ni tawh hial a.
A tirah chuan WhatsApp emaw iMessage te ang platform a intan a ni a, a feature hman nasat hlawh ber chu WhatsApp ang tho “Chats” leh
“Moments” tih Facebook nena in ang tak chu a ni.
A “Wallet” feature chu debit leh credit card te nena thlunzawm vek theih niin China-h chuan WeChat payments hi dawr leh online retailer tena an pawm vek niin QR code scan hmanga kalpui vek a ni a. Hei bakah hian mipuite chuan chhungkaw mamawh mai bakah investment leh loan lak nan thlengin WeChat chu an hmang thei a ni.
Sorkar pawhin WeChat chu a hmang tangkai hle a, social security information en nan te, ticket lei nan leh hospital appointment tih nan te thlenga hman vek a ni.
Pandemic len lai phei kha chuan tihmakmawh ni hawtin China ram pum zero-Covid restriction hnuaia a awm lai khan WeChat a ‘health code’ hmang lo chuan awm theihloh tluka ngaih hial a ni.
Chutih rual chiah chuan app pakhata insuihfin vek chuan thatlohna nei ve thovin phone memory a awh lian hle a, sata storage atan gigabytes billion tel a ngai a. Chinese te ni tin nuna WeChat hman nasat lutuk chuan sorkarin cencorship, surveillance leh privacy issue a kalpui hrang hrangah sawi neuh neuh a awm bawk.
China hian foreign website hrang hrang tlawh pawh theih lohin a siam a, news outlet heng BBC atanga social media platform Facebook te ang pawh a khap vek niin Elon Musk a X ngei pawh a khap zingah a tel a, a block hmiah a ni.
China sorkarin internet a thunun hneh em avang chuan China mipui tena WeChat angah te sorkar sawiselna an neih chu hlauhawm chungchuanga ngaih a ni bawk a. WeChat hmanga lungawilohna emaw sawi te lakah hremna lekkawh a ni fo bawk.
Information pawimawh leh sawisel theih in share tawnna thlen avang pawhin sorkar censor kalh tia sawiin mi thenkhatte account leh chat group te kharsak an awm nual bawk a.
Kitsch Liao, assistant director of the Atlantic Council’s Global China Hub chuan super-apps heng WeChat te ang hi Beijing-in a rampum thunun nana a hmanrua pawimawh em em a ni tiin a sawi a. “Political risk awm thei, CCP’s (Chinese Communist Party) rorelna atana pawi thei insiam theihna danna tur a ni,” tiin a sawi.
Khawthlang ramah kalpui ve theih a ni ang em?
China-a WeChat hlawhtlin theihna chhan hi thil lian tak pahnih a awm niin Kacheng Fang, Chinese University of Hong Kong chuan a sawi a.
Pakhatnaah chuan China a mipui tam berte chuan WeChat chu desktop computer ni lovin smartphone atangin an hmang a, hei hi China a internet hman nasat tharin a hrin a ni a ti a.
“A awmzia ber chu open web aiin apps garden huam chhungah an cheng zawk a. Computer aiin smartphone ah ‘everything app’ din a awlsam fe zawk a ni” tiin a sawi.
Hei bakah hian Fang chuan Khawthlang ram ang lo takin China-ah chuan competition regulation mumal a awm lo a ti bawk a. Hei vang hian WeChat te ang chuan an elpui thei tur platform dang shopping platform Taobao leh video app Douyin te ang chu a dang chep tlat a ni a ti bawk.
Zawhna awm ta ber chu Musk chuan China ram pawnah WeChat ang chu a duh dan angin a din thei ang em tih a ni a. Mithiamte chuan chu chu digital payments ah thuk takin a innghat an ti.
Kendra Schaefer, policy research firm Trivium China chuan Musk chuan China ni tin nuna WeChat pawimawhna chhan chu a hrefiah tawh a, chung zingah chuan social media leh digital payments inthlunzawm vek dan pawh a tel a ti a. “Hei tak hi super-app secret sauce ni thei a ni,” tiin a sawi bawk.
Edith Yeung, investment firm Race Capital chuan China leh Khawthlang danglamna lian ber chu digital payment technology hman chungchangah a ni a ti a. China a sumdawng tam ber te chuan cash emaw credit cards an dawng duh tawh lo a ti a.
China leh khawthlang ram danglamna chu Musk a duh tihhlawhtlinna daidangtu ber a ni thei a ti a. “Khawthlang rama cashless emaw credit card free society tak tak awm nan chuan hun a la duh rei dawn,” tiin a sawi.