Elton John-a Farewell Tour-in record a siam

Elton John-a’n September 2018 atanga a tan Farewell Yellow Brick Road Tour chuan ticket hralhna atangin dollar maktaduai 900 chuang a hmuchhuak tawh, record siamin, tour khat atanga dollar maktaduai 900 hmu tling thei hmasa ber a ni. Chutih rualin he tour hian kum khat mai ni lovin 2018 atanga a tan tawh kha niin, kuminah pawh a la kalpui ta zel a ni.
2020 khan he tour hian kum khat chhunga touring atanga hemi kuma sum lalut hnem ber nihna a hauh tawha, 2019 leh 2022-ah te pawh top 5-ah a lang a, kuminah pawh kum chanve chhunga tour atanga sum lalut hnemah No.2 a ni leh tawh bawk.
Kumin January thla khan he tour atang hian dollar maktaduai 800 an hmuchhuak tawh a, hei hian Ed Sheeran-a ‘The Divide Tour’ record khumin, touring atanga sum lalut tak record a siam a, tunah chuan dollar maktaduai 900 lalut tling tawhin record dang, touring atanga dollar maktaduai 900 lalut thei hmasa ber a ni leh ta a ni. Tuna Farewell Yellow Brick Road Tour a neih mek hi July thla hian a khar tawh dawn a ni.
Billboard Boxscore data report atanga a lan danin Farewell Yellow Brick Road Tour hian June ni 18 thleng khan dollar maktaduai 910.4 a lalut tawh a, tum khat tour a dollar maktaduai 900 lalut thei hmasa ber a la ni.
|um khat tour atanga sum lakluh tama Elton dawttu chu Ed Sheeran a ni a, ani hian ‘The Divide Tour’ atangin dollar maktaduai 776.4 a lalut thei a, U2-in U2 360 Tour an neih atanga dollar maktaduai 736.4 lalut theiin an dawt ve leh a ni.