Eminem album thar ‘The Death of Slim Shady’

Eminem chuan tun kum li chhunga a album hmasa ber, a studio album 12-na ni bawk, ‘The Death of Slim Shady (Coup De Grâce)’ a tlangzarh ta. He album hla 19 awmna atang hian a singles ‘Houdini,’ ‘Tobey’ featuring Big Sean & BabyTron leh Dr. Dre nena an thawh dunna ‘Guilty Conscience’ te pawh a lo tichhuak tawh bawk.
Eminem chuan he album-a hla 19 te hi album-a a inrem dan indawta ngaithla turin fan-te a chah a, “Mipui hnena thupuan: te death of slim shady hi album kalphung nei a ni a, chuvangin, a indawt dan ni lova in ngaihthlak chuan awmzia a nei lo ang. Nhaihtlak ule,” tiin a tweet.
Eminem hian a album 10 chu a zawnin Billboard 200 (albums) chart-ah a lo No.1 pui tawh a, tuna a album thar pawh hi a No.1 thei ngeiin a rinawm a, Taylor Swift ‘The Tortured Poets Department’ No.1 kal tluang lai a rawn dang thei tura ngaih a ni.
Eminem hian 2020-a ‘Music to Be Murdered By’ a tlangzarh hnuah tun hi a rimawi project neih leh hmasa ber a ni.