Employees’ State Insurance inhrilh

Sawrkar laipui Ministry of Labour and Employment-a Employees’ State Insurance Corporation (ESIC) bultumin Nazareth Institute of Management and Technology (NIMAT) Aizawlah awareness programme neih pahin hriselna endik sak a ni. ESIC Hqrs New Delhi atangin senior deputy director Priyaranjan Sinha chuan rawn hmanpuiin, powerpoint hmangin ESI Scheme & Act a hrilhfiah.
ESIC hi Ministry of Labour & Employment hnuaia statutory body niin, ESI Act 1948-in a huam hnathawktute chu damlohna / bawrhsawmna lakah leh, nau neih (maternity) vangin emaw hliam avanga hnathawk thei lo (disablement) emaw, a hnathawhna avanga nunna chan a nih chuan, amah rinchhana khawsa (dependent) ten a inzata insem turin monthly pension an hmu ang. Hnathawktute leh a chhungte chu medical treatment a thlawna pek vek an ni bawk ang.
ESI scheme chuan eng sumdawnna (establishment /factory), heng – road transport, hotels & restaurants, cinemas, newspaper, dawr, zirna leh medical zirtirna in leh an hnathawktu 10 emaw a aia tam chhawr reng reng chu a huam vek a. Hnathawktu thlakhata Rs. 21000 leh a aia tlem hlawh tan he hamthatna hi neih theih a ni.
He programme-ah hian hnathawktu (employees) leh a chhawrtu (employer) engemawzat an tel a. Zawhna an neihte ESIC hotute hian an chhang a ni. Programme zawhah free checkup camp neiin, inentirte damdawi pek nghal an ni.