Eng chhit man kaihhnawih rel

Eng chhit man kaihhnawih rel
Mizoram Electricity Regulatory Commission (MZERC) huaihawtin Mizoram State Advisory Committee meeting vawi 28-na chu Ningani khan Aizawlah neih a ni a. Mizorama power supply tha zawk neih dan tur, Power & Electricity department-in mipui hnena eng tha tak a pek theih dan tur, consumer-te hmakhua ngai taka power supply chungchanga lungawi lohna rang zawka chinfel sak theih dan tur, Aizawl Municipal area leh a pawnlama felfai zawka street light enkawl dan tur leh smart meter vuah hna thawh mek ngaihtuah a ni.
Kum 2026- 2027 atana P&E department-in power supply enkawlna atana sum a mamawh, sawrkar subsidy leh eng chhit man (tariff) hmanga hmuh let leh dan tur sawiho a ni a. Vawiin – March 20 hian P&E department-in electricity tariff hman an dil ngaihthlakna – public hearing neih tur niin, Commission-in mipui rawtna leh sawiselna a dawn leh P&E department chhanna ngaihthlak a ni ang.
MZERC chairman Er. Benjamin L Tlumte chuan hma an sawnna a sawi a. Power Foundation of India-in kum 2025-a state leh union territory-te chetthat dan, performance rating a peknaah point 87 hmuin Mizoram Electricity Regulatory Commission chuan India ram pumah 10-na a hauh phak tih a sawi. Grade ‘A’ hmu phak state tlemte (11) zinga Mizoram a tel chu lawmawm a tih thu a sawi a ni.
State Advisory Committee hi Section 87 Electricity Act 2003-in a sawi anga, State Electricity Regulatory Commission thurawn petu atana din niin, heng – commerce, industry, transport, agriculture, labour, consumers, non-governmental organizations leh electric lam kaihhnawiha academic and research body hrang hrang atanga mithiamte member atan ruat thin an ni.