Enga tinge China billionaire-te an bo zeuh zeuh?

Thla kalta khan technology industry dealmaker Bao Fan chu a chin hriatlohin a bo ringawt a, chu chuan tun hnaia Chinese billionaire te an chin hriatloha an khuangcher bo hmak hmak ngaihvenna a thlen zual hle.
Bao Fan hi China Renaissance Holdings neitu niin a client list zingah internet giants Tencent, Alibaba leh Baidu te pawh telin China tech sector ah chuan palian tak anga ngaih a ni.
Bao khuangcherbo pawh hi midang lo bo tawh te nen a ziarang a inang hle: ni eng emaw zah a chin hriat loha a awm hnuah a company chuan thuchhuah siamin ‘People’s Republic of China a thuneitutena a laka chhuichianna an kalpui mekah theitawpin a puibawm a ni’ an ti.
Midang ang bawkin Bao Fan chungchangah pawh sorkar atangin thuchhuah emaw engmah a awm zui bawk hek lo va, Bao chanchin emaw khawiah nge a awm tih sawilanna reng a awm lo.
Bao Fan hma hian Chinese business leader langsar tak tak te chu an bo tawh thin a, chung zingah chuan Alibaba boss Jack Ma pawh a tel tawh tho.
China mihausa tawntaw te an chin hriatloha an bo hi chuan ngaihven a hlawh zual a, mahse, China khua leh tui pangngai te entir nana anti-government protest emaw human rights campaign lama inhmang te thahnem tak an bo tum erawhin tu khaw kha ngaihsak a ni lem lo.
Bao Fan hi China rubber-stamp parliament National People’s Congress (NPC) neih hma lawka bo niin NPC ah hian China in a hman reng financuial regulatory system siamthatna turu ber chu tlangzarh a ni zui nghe nghe a ni.
Ruahmanna tharah chuan financial regulatory watchdog thar din ni dawnin chu chuan financial sector tin deuhthaw a enfiah tawh dawn a. Hei hi thuneitute chuan China financecial service industry dollar trillion tel tehmeuha tama thil fello leh hnawk tam lutuk agency hrang hrang tena an enkawl siamthatna tur an ti.
Kum 2015 ringawt khan executive panga lai chu biak pawh theih miahlohin an awm hmak a, chung zingah chuan Guo Guangchang, conglomerate Fosun international chairman pawh a tel a, hriat tlanglawn theih tur chuan khatih laia English Premier League football club Wolverhampton Wanderers neitu a ni.
Khami kum December thla khan Gup chu a chin hriat lohin a awm a, a hnu lawka a inlan leh chuan China investigation te nen an hriatduh hrilh tura theihtawp chhuaha a thawhpui tur thu a sawi zui nghal a ni.
Kum hnih a ral hnuah Chinese-Canadian businessman Xiao Jianhu chu Hong Kong a luxury hotel atangin a bo zui bawk a, khatihlai khan China a mihausa ber pawl niin, nikum khan eirukna kaihhnawihah thiamloh chantirin lung in a khung a ni zui ta bawk.
March 2020 khan billionaire real estate tycoon Ren Zhiqiang chuan Xi Jinping chu pandemic leng a hmachhawn danah ‘mi mawl’ tia a sawi a vangin a bo zui nghal bawk a. Nikum khan kum khat hnuah Ren chu pholana awmin ni khat chhung a chungthu ngaihtuah a nih hnuah kum 18 lung in tang tura tihzui nghal a ni.
China billionaire chin hriatloha bo hmak zinga langsar ber chu Alibaba founder Jack Ma a ni a, kum 2020 chawhnu lam khan China a mihausa ber chu China financial regulator a sawisel avangin a bo hmak bawk a.
Jack Ma an a compamny financial technology giant Ant Group tena mega-listing share neih an tum pawh thulh nghal hmak a ni a. China sorkar hnuaia ‘Common Prosperity’ fund a $10 billion chuang a pe chungin kum hnih chhung chu China ah a inlan miah lo bawk.
Tun thlengin Jack Ma awmna chin chiah hriat leh a awm lo va, mahse, tun hnaiah Japan, Thailand leh Australia-ah te tun hnaiah hmuhin a awm tia sawi erawh a awm thung.
China sorkar chuan an rama mihausa ber ber te thubuai an siamsak thin chu dan behchhana kalpui vek an ti a, chubakah eirukna a zung chawpa phawi an tumna kalzel an ti bawk. Chutihrual chuan Beijing hmalakna chu kum sawm chuang fe liberalisation a kalpui hnuah khauh zawk taka thuneihna chelek tumna an ti bawk.
China economy inhawng avangin multi-billionaire tam tak hausa pui pui a hring chhuak a, chung mite chuan an hausakna turu tak hmangin thuneihna thuk tak an nei thei tlat a ni.
Observer thenkhatte chuan Xi hnuaiah Chinese Communsit Party te chuan thutak an nihna chu neih let leh tumin hma an la a, hei vang hian bo zeuh zeuh an awm tam phah an ti a.
China-a theory awm chu: Sumdawng liante a bik takin technology industry lama mi te chu Xi a hmaa awm Jiang Zemin leh Hu Jinatao hun laia policy-in a hrinchhuah an ti. He mi hma zawng chuna Beijing chuan traditional centre of power heng military, heavy industry leh local government te a ngai pawimawh ber thin an ti bawk.
Xi Jinping chuan economy chu a thununna hnuaiah thuk zawka barh luh tumin hma a la a, Common Prosperity policy hmangin nasa zawka hma lain hei vang hian technology industry te chu an thlurbing zual an ti bawk.
“China sorkar hmalakna hi industry leh interest group te fimkhur tura an tihna a ni a. Economy thunun chu sorkar in a tum ber niin chu chu Xi an sorkar a enkawl duhdan a ni bawk” tiin Nick Marro, The Economist Intelligence Unit chuan a sawi a.
“Beijing chuan technology platform leh players te chu an brand atchilh lo tur leh Beijing duhdan kalha che lo turin an ti a ni ber” tiin Oau Triolo, global advisory firm Albright Stonebridge Group a head of China and technology policy chuan a sawi.
Common Prosperity policy a pawimawh ber chu rule of law niin chu rules chu mihausa leh retheiah thlei bik nei lova hman tur a inti bawk a. Beijing chuan he policy hi mihausa leh rethei inkar zau tihzimna tur an ti bawk a, China chuan intluktlanlohna nasa zel hmu in ultra-leftists te chuan party socialists root hnaih zual duhin Xi chuan nawrna a tawh phah an ti bawk.
Billionaire bo zauh zauh hian nghawng chhia nei thei thungin China chuan business talent thar tur te an hup bet an ti thung a. “Beijing in tech billionaire te tumber a aneih hian technology entrepreneur Jack Ma ang nih tum te a titim” tiin Triolo chuan a sawi bawk.
Xi Jinping chuan NPC meeting neihnaah China tana private sector pawimawhna a sawi a Chutihrual chuan private enterprise leh entrepreneurs te chu ‘hausa chunga mawhphurhna hlen, hausa chunga dik leh hausa chnga hmangaihna ngah’ ni turin a ngen thung a ni.
Tun hnaiah Common Prosperity agenda chuan financial service luhchilh zelin China a senior executive te hlawh pawh tihpun niin hei bakah hian management leh junior staff te hlawh inkar pawh tihzim a ni bawk.
Ngaihven hlawh ber chu Xi-an billionaire te a ching vak vak hian a thuneihna a sawhnghet zawk ang em tih chu a ni a. Chu aimaha ngaiven hlawh bawk chu China financial market business-ah confidence a awm ang em tih leh chu chuan economy a nghawng ang em tih chu a ni.