Environment Day hmang

Mizoram Pollution Control Board leh Mizoram EIACP Hub tangdun chuan Zirtawpni khan World Environment Day 2026 pualin Aizawl bakah district khawpui tinah a rualin kan chhehvel humhim tura inzirtirna beihpui an thlak.
Aizawl New Market-ah leh district khawpui hrang hrang bazar lun laiah hman khat daih sarang ip aiah tawih theih atanga siam lehkha leh puan lam chi ip hmang zawk a, kawlphetha renchem tura inzirtir beihpui an thlak a; bazar-a kalte hnenah a thlawnin puan ip (cloth bag) an sem bakah sarang ip hmang zui tawh loa, kawlphetha renchem tura intiam thei tan intiamna hming an ziah tir a ni.
Aizawlah chuan MPCB chairman Liankima Lailung hoin Luangmuala Industrial Growth Centre-ah MPCB office, Aizawl DFO office leh Industries department nen tanghoin World Environment Day pual hian thing phun a ni a. MINECO huamchhung bakah New Mamit Ngharpet Vengah MPCB leh DFO office Mamiechuan thing an phun a. MPCB leh ministry lam hmalaknain district hrang hranga eco-club engemawzatin mahni remchanna hmun theuhah thing an phun bawk.