Assembly Budget Session neih zawh takah MNF member-te chet danah eptu party leh mipui lamin sawiselna tur an hre lo tih MNF party chuan an sawi.
MNF Gen. Hqrs. thuchhuak chuan, 8th Legislative Assembly Budget Session tluang taka neih zawh a ni ta chu lawmawm a tih thu leh, budget thar 2023-2024 hman theih tura chhawpchhuah a ni chu lawmawm a tih thu a sawi. Tun Assembly Session chu zawhna luh tam ber tum nia sawiin, zawhna 1529 a lut a, sawrkar bill 6 pass niin, bill pass puitu eptu MLA-te chungah MNF chu a lawm tih a sawi a ni.
‘Budget Session chhung hian House leader, chief minister Pu Zoramthanga, minister-te leh MNF MLA te chet danah eptu lam leh mipuiin sawiselna tur an hre lo hi lungawithlak kan ti a. An thiamna, thawhrimna leh finna mipuiin chhawr tangkaiin, hmalam pan zelna tur rahbi tharah kan ngai,’ a ti a. Thiam tak leh remhre taka finance enkawltu CM Pu Zoramthanga an chhuang takzet, tiin, minister hrang hrangten an department enkawl an chiangin, theihtawpin hna an thawk tih a lan thu a sawi. Hei hi kumin kumtawpa MLA inthlanpuiah MNF-in sawrkarna a siam chhunzawm leh ngeina tur nia an hriat thu a sawi bawk.
‘Session neih chhung khan House-a thil thleng zen zen lo, opposition group leader, ZPM MLA Pu Lalduhoma’n ngaihdam a dil ngai hial khawpa thil thleng erawh a vanduaithlak a. Chutih rualin an party mipui beisei ang pha meuh hlawm lo mah se, a tlangpuiin eptu MLA lamten an phak leh theih tawk ang theuha Assembly House-a thahnemngaih an chhuahnaah MNF chuan lawmawm a ti hle,’ thuchhuah chuan a ti.
Eptu leh mipuiin ruling lam sawiselna tur hre lo – MNF
Get real time updates directly on you device, subscribe now.
Next Post