Union Road Transport and Highways Minister Nitin Gadkari chuan ethanol chauh hmang vehicle an tlangzarh thuai dawn tiin a sawi.
Minister chuan tun hnaia Mercedes Benz company chairman nena an inhmuh thu sawiin anni pawhin electric vehicles an tlangzarh vat dawn a ti bawk a.
“Ethanol chauh hmang vehicle kan tlangzarh dawn a. Bajaj, TVS leh Hero scooters te chu ethanol 100% hmang an ni ang,” tiin a sawi bawk.
Minister chuan Toyota company te Camry car chu August ah a tlangzarh tur thu sawiin he car hi 100% ethanol hmang niin 40% electricity a siam chhuak ang a ti bawk a.
“Petrol nena khaikhin chuan litre ah Rs 15 zelin a tlawm ang a, a chhan chu ethanol rate chu Rs 60 a ni a, Petrol chu litre ah Rs 120 a nih vang a ni a. Hei bakah hian electricity 40% la siam chhuak thei dawnin average price chu litre-ah Rs 15 a ni ang,” tiin a sawi bawk.
Ethanol hmang vehicle
Get real time updates directly on you device, subscribe now.