Georgia-ah Russia duhlohna lantir

Georgian parliament pawnah mi sang tam tak pungkhawmin sorkar laka an lungawilohna an lantir.
Rorel mek lai Georgian Dream party te chu Russia thlawp zawnga chet laah leh democracy namnulah an puh a ni.
Sorkar chu politics lama an elpuite hmehmih nana lung ina khungah leh independent media-te che thei lova siamah an puh a.
Mipui punkhawm hi opposition party lian ber te huaihawt niin an hruaitu lu ber leh President hlui Mikheil Saakashvili pawh lung ina khung mek a ni.
Saakashvilli hi kum 2004 atanga 2013 inkar president ni tawh niin tunah thuneihna hmang sual tia puh niin kum ruk lung in tang tura tih mek niin right group te chuan amah an puhna chu politics thila intihchhiat tumna an tihsak thung.
Thla kalta khan nasa taka sorkar hmalakna lungawilohna lankhum a nih avangin non-governmental organisation tena ram pawn atanga fund an dawn theihna tihtawp tumna bill chu kalpui lohin a awm theih phah tawh bawk a.
Opposition te hian he bill hi kum 2012-a Russia rama lungawilote hmehmihna leh authoritarianism lam hawia chetlakna bill nena thuhmun reng tiin an sawi a ni.
Lungawilo pungkhawmte hian Tbilisi a parliament building pawnah Georgian, Ukrainian leh European Union flag te vaiin banner lian tak ‘European hma lam hun atan’ tih chu a tar bawk a.
Georgia-a mipui nawlpuite chu pro-EU niin chutih laiin sorkar chuan an ramin EU bloc zawm an tum chu an la kalpui reng an ti chungin sawiseltute chuan sorkar chetlak dan chuan Georgia-in EU member a nih theihna a tichhe mek zel an ti ve thung.
Georgia hian EU member nih Ukraine leh Moldova te nen Russia in February 2022-a Ukraine a run hnuah an dil a ni.
June thlaah EU chuan Ukraine leh Moldova te chu candidate member state-ah a dah nghal a, mahse, Georgia chuan EU member a nih hmain political leh judicial reform a kalpui a ngai a ti thung.
Pungkhawmte hmaa thusawina a neihah Levan Khabeishvili, chair of the United National Movemnet Party, Saakashvili din chuan ‘political prisoner te chhuah zalen’ leh Brussels-in ti tura a tih te tihhlawhtlin an ngiat tiin a sawi nghal a.
Saakashvili president a thlaktu Giorgi Margvelashvili chuan mipui te hnenah Georgian sorkar chu ‘Moscow thunun tlat niin kan tihtur chu Russian awpna ata kan ram chhuah zalen a ni’ a ti bawk a.
“Zalenna duh leh ngaisang mi kan ni a, European family-a tel kan ni a, Russian sal tanna kan hnawl a ni,” tiin a sawi bawk.
Lungawilo zinga mi kum 27-a upa painter Luka Kavsadze chuan, “Tharum thawhna tel lovin kan duhna kan lantir zel dawn a, kan awmna tur dik tak European Union ah kan awm ngei ang,” tiin a sawi.