Hui Ka Yan, Chinese property giant Evergrande fpunder leh chairman ni bawk chu Asia mihausa ber pawh ni tawh a ni.
Kum 64 a upa niin Xu Jiayin tia hriat lar ni bawk niin rethei tak atanga business empire turu tak din thei a ni a. Asia a mihausa ber nia kum 2017 a Forbes ina puan lai khan a hausakna chu $42.5 billion vel nia chhutsak a ni.
Tunah erawh chhuichiana awm mekin a company chuan dan kalhin thil an ti tia sawi niin leiba $ 300 billion vel nei meka chhutsak a ni bawk.
-- Advertisement --
Tu nge Hui Ka Yan?
Kum 1958 khan rethei tak chhungkua tanga seilian niin a naupan lai chu Mao Zedong an Chinese economy agriculture a innghat bur atanga industrialise tur tia campaign a kalpui Great Leap Forward lai a ni a.
Hui chu a pi bulah central Henan province-ah a nuin sepsis avanga thla riat lek a nih laia a thihsan hnuah a enkawl seilen a ni.
Kum 1982 khan university atanga graduate-in kum sawm chuang chu steel tehnician niin chumi hnuah Guangzhou, southern China ah property developer salesman in a awm a. He ta a awm lai hian kum 1996 khan Evergrande chu a din ta a ni.
China economy a thang nasa a a comapny din pawhin sum tam tak pukin a thang chak hle zui a.
“I smart a, i thawhrim chu tute pawh an hausa thei tih lantirna a ni” tiin Alicia Garcia Herrero, chief economist, Asia-Pacific a French investment bank Natixis chuan a sawi a.
Evergrande neitu Hui hi kum sawm thum chuang Communist party member niin kum 2008 khan Chinese People’s Political Consultative Confeence member ni tura thlan a ni a. Hei hi sorkar official leh sumdawng lian te telna advisory body pawimawh tawp a ni.
Communist Party conference neihnaah French luxury label Hermes tena gold-buckled belt a hren avangin social media a thehdarh a nih hnuah a hming lemah ‘belt brother’ tih a nih phah nghe nghe a ni.
Hausa chak lutuk
Evergrande chu a lian chak hle a, kum 2009 han Hong Kong stock market-ah $ 9 billion lawih a nei pha tawh a.
Evergrande san zelna chu Hui an ‘maximum leverage’ approach a kalpui chuan a tichak zual a ni, tiin Jackson Chan, financial market research platform Bonsupermart chuan a sawi a.
“Evergrande chu a lian chak sa a, Hui an Hong Kong a real estate tycoon hausate thiana a siam hnuah leh Hong Kong Stock Exchange-a a inziahluh hnuah a lian chak leh zual a ni” tiin Chan chuan a sawi.
“Heng mihausate hian an thlawp tha em em a, Evergrande stock leh bond te chu nasa takin an leisak a ni,” tiin a sawi bawk a.
Evergrande business model chu sum tam tham tak puka chumi hnuah apartment la sak loh te pawh nasa taka hralh a ni a. Evergrande real estate unit te chuan China a khawpui 280 chuangah project 1,300 chuang an nei mek a ni.
Property lamah chauh ni lo wealth management, electric car leh food leh drink manufacuturing lamah pawh a inzarpharh zui ta zel a. Hei mai bakah hian China-a top football team Guangzhou FC ah pawh share a nei lian ber bawk.
A tlachhia
Kum 2020 khan Beijing chuan dan thar siamin chutah chuan real estate developer lian tena sum an bat chu bituk chin a siam ta a ni.
Sorkar hmalakna thar avang hian Evergrande te chuan an property te chu an sumdawnna kal zel nan nasa takin an discount lo thei ta lo va, mahse, tichung chuan an leiba te chu an pe hlei thei ta lo a ni.
An buaina tawh a nasat em vangin an stock market valuation pawh 99% lawiha tla hniamin Hui hausakna bik pawh $ 3.2 billion laiin a tlakhniam phah tawh bawk.
Chinese thuneitu tena an chhui chian zinga a awm mek avangin Evergrande te chuan Hong Kong a share an hralh thin te pawh an titawp mek a ni.
Tun hnaia China mihausa te nasa taka chhui vaka an awmna chhan hi President Xi Jinping an Common Prosperity policy a neih leh kalpui mek nena inzawmna nei tia sawi a ni a.
Hui hian a hausakna che bawkin nun dan changkang tak neiin a private jet in khawvel hmun tin a tlawh tiin Dexter Roberts, Director of China affairs, Mansfield Center, University of Montana chuan a sawi a.
“Xi Jinping chuan hausak turuna tihlan a bikin mipui nawlpui hriat theiha Hui te angin an tihlan chu economy leh society tana tha a lo a tih a ni” tiin Roberts chuan sawiin hei vang hian Hui te ang chu a tuar hmasa an ni lo thei lo tiin a sawi.