Ex-servicemen tan MoA ziak

Sawrkar laipui Ministry of Defence chuan Mizorama ex-servicemen-ten health scheme an hman tangkai theihna turin Ex-Servicemen Contributory Health Scheme (ECHS) ah Zoram Medical College chu inremna thu a thlunpui.
Inremna (MoA) ziah a nih tak avang hian State Referral Hospital /Zoram Medical College chu ECHS-ah empanelled a ni a. ECHS Polyclinic Aizawl leh ECHS Polyclinic Lunglei atanga damlo refer-te chuan an ECHS card hmangin multi-speciality leh super-specialitiy treatment an dawng thei tawh dawn. Aizawl leh Lungleia ECHS Polyclinic hi Station Hqrs Aizawl enkawlna hnuaia awm niin, Mizorama ex-servicemen te inenkawlna lamah Headquarters Eastern Command leh Headquarters 101 Area Shillong nen an thawk ho a ni.
MoU hian ex-servicemen leh an chhungte inenkawlna kawnga Guwahati leh Kolkata an pan fo thin chu a chhawk zangkhai tawh tura ngaih a ni. SRH/ ZMC-a ex-servicemen leh an chhungten cashless leh capless treatment an neih theih nan hian MoA hi ziah a ni.
ECHS hi 2003 April 1 atangin Department of Ex-Servicemen Welfare, Ministry of Defence-in a kalpui tan tawh a. He scheme tum ber chu, ex-servicemen leh an chhungte tana changtlung taka damlo inenkawlna pek a ni.