Exit Poll lakah Congress sorkar ring vek

Karnataka inthlana Exit Poll lak chuan Congress leh BJP te chu inbei ber turah ngaiin pollster tam berte chuan grand old party chu chungnung turah an dah.
India Today-Axis My India chuan Congress te chu 122-140 seats vel lai 224-member assembly awmah la turin a dah a, BJP te chuan 62-80 seats vel la turah a dah thung. Hei bakah hian 20-25 seats chu JD (S) te a pe bawk.
News 24-Today’s Chanakya pawhin Congress te chu chak tura dahin 120 seats la turin a dah a, 92 seats la turin BJP te dahin 12 chu JD(S) te lak turin a dah thung.
|huang thum ruling BJP, Congress leh Prime Minister hlui H.D. Deve Gowda kaihhruai Janata Dal (Secular) te inbeihna chu May 13 ah result puan a ni ang.
ABP News-C Voter exit poll chuan Congress te chu seat 100-112 la turah a dah a, BJP te 83-95, JD(S) 21-29,Republic TV-P MARQ chuan Congress te chu 94-108 seats, BJP 85-100 leh JD(S) 24-32 la turin a dah thung.
India TV-CNX exit polls chuan Congress 110-120 seats leh BJP 80-90 seats bakah 20-24 seats chu JD (S) te chanturah a dah thung.
TV9 Bharatvarsh-Polstrat exit poll chuan Congress te chu 99-109 seats, BJP te seat 88-98 leh JD(S) 21-26 la turin a dah a. Zee News-Matrize Agency chuan Congress te chuan seat 103-118, BJP ten seat 79-94 leh JD(S) 25-33 seats la turin a dah thung.
News Nation-CGS chuan BJP te chu 114 seats, Congress 86 leh JD(S) 21 te la turin a dah a. Suvarna News-Jan Ki Baat te chuan BJP te chu seat 94-117, Congress 91-106 leh JD(S) 14-24 la turin a dah thung a.
Times Now-ETG exit polls chuan 113 seats la tura Congress dahin 85 seat chu BJP leh 23 seats chu JD (S) te lak turin a dah ve thung.
Congress te chuan, “Exit poll lak atangin Congress party te chuan chakna kan chang chiang dawnin a lang” tiin an tweet zui a ni.
Kum 2018 inthlanah khan BJP te chu party lian ber niin seat 224 ah seat 104 lai an la a, Congress ten seat 80 leh JD(S) ten seat 37 an la thung. Independent member pakhat a awm a, BSP leh Karnataka Pragnyavantha Janata Party (KPJP) te chuan MLA pakhat ve ve an nei bawk.
Party pakhatmah majority nei thei an awm loh avangin Congress leh JD(S) te chuan alliance an siam a, chutih laiin BJP hotu BS Yediyurappa chuan sorkar a siam theih thu a sawi thung a. Mahse, ni thum chauh a sorkar hnuah turst vote lak hmain a bang a, a chhan pawh member a ngah tawk loh vang a ni.
A hnuah Congress-JD(S sorkar a pianga Kumaraswamy chu CM a ni a, mahse thla 14 hnu lekah legislators 17 bangin a hnuah BJP an zawmzui avangin sorkar tlu a, a hnuah BJP ten thuneihna an chang leh a. Bypoll neihah BJP te chuan kum 2019 khan seat 15 ah seat 12 ah chakna an chang a ni.
Assembly thiah mekah hian BJP te hian MLA 116 an nei a, Congress ten 69 leh JD(S) ten 29 an nei a ni.