Delhi vs Centre : SC-in Delhi thlawp

AAP kaihhruai Delhi sorkar chuan chakna changin Supreme Court chuan Delhi sorkar chu national capital-a services-a thuneitu tiin bureaucrats te chu a thuhnuaia awm an ni a ti a. Mahse, court chuan Delhi sorkar thuneihna chuan public order, police leh land a huam lo a ti thung.
LG chu services kaihhnawihah Delhi Cabinet thurawn angin a kal tur a ni tiin apex court chuan a sawi a. “Delhi sorkar hi State dangte ang bawkin representatives form of government aiawh a ni a, hei baka Union’s power tihlen chu Constitutional scheme kalh a ni,” tiin court chuan a sawi a.
Administrative services chu legislative leh executive domain atanga lakhran a nih chuan ministers chu civil servants te thununtu nihna laksak a ni dawn a, civil servants te chu executive te thutlukna bawhzuia tihlawhtling tur an ni, tiin court chuan a sawi bawk.
Supreme Court chuan Delhi-a ni tin inenkawlna chu mipui thlan sorkar kuta awm tur a ti bawk a. Chutah chuan IAS te Delhi sorkar department hrang hranga dah te chu a huam vek a ti bawk a. Five-judge Bench Chief Justice D.Y. Chandrachud kaihhruai chuan, “Democratic form of government ah chuan administration real power chu elected government kuta awm tur a ni. Demoracy hmanga mipui tena sorkar an siam chuan officer te thununna a nei lo a nih chuan ‘principle of triple chain of accountability’ chu chuangtlai a ni ang” tiin a sawi bawk.
Bench chuan officer tena minister te hnena report an siam loh leh an thu an zawm lo a nih chuan principle of collective responsibility chu tihbuaiin a awm tihna a ni a ti bawk a. Officer te chuan sorkar thununna hnuaia awm lovah inngaiin chu chuan an accountability leh governance a tidal dawn a ni, tia sawiin five-judge bench chuan a sawi bawk.
He case hi Delhi sorkar leh Centre te national capital-a administrative service thununtu zawk nih inchuhna a ni a. Delhi sorkar chuan Delhi-ah IAS te ang chu an thununna hnuai atanga laksak an ni a ti a, heng services te hi Centre ruat LG-in a thunun a ni.
He case hi kum 2021 khan three-judge Bench-in a ngaihtuah hnuah Constitution Bench lian zawk ngaihtuah turin a ti a, India ram pumin a ngaihven em em niin, Delhi a services thununtu zawk tu nge tihah kum 2019 khan two-judge Bench chuan solit verdit pein three-judge Bench ngaihtuah tura tih a lo ni tawh a ni.