Expenditure observer ten thutchilh

Mizorama MLA inthlan turah candidate-te leh anmahni puibawmtute sum leh inthlan kaihhnawih thil hman dan thlithlai kawnga vil turin Election Commission-in central atanga expenditure observer tura a ruat te chuan Mizoram an thutchilh tan.
Zirtawpni khan Aizawlah expenditure observer Dr. B Brahma Vidhya chuan Aizawl North I, II, III, Aizawl East-I bakah Tuivawl Assembly biala expenditure kaihhnawih team hrang hrangte a kawm a.An inpuahchahna leh an nitin hnathawh zawtin, harsatna an tawh leh hmalak belh ngaite an sawiho.
Saitual district-a Assembly bial pathum vil tur, expenditure observer Manish Vijay chuan Expenditure Monitoring Team a thutkhawm pui a. Hnahthial district-a Assembly bial khat awm South Tuipui bial tana expenditure observer Bal Kishan Gopal pawhin Election Expenditure Monitoring team te a kawm.
Heng thutkhawmah hian Monitoring Team nodal officer-te bakah Flying Squad, Video Surveillance Team, Static Surveillance Team, Video Viewing Team leh Accounting Team te leh assistant expenditure observer-te an tel a ni.