Expenditure observer thlen belh

November 7-a Mizorama MLA inthlanpui neih turah Assembly bial hrang hrang tana Election Commission-in expenditure observer tura ruat te chuan Mizoram an rawn thlen belh zel a, a kaihhnawih thawktu hrang hrangte an thukhawmpui tawh a ni.
Thawhtanni khan Champhai district-a constituency pathum vil tura ruat expenditure observer Abhishek J Jain chuan expenditure monitoring a taka thawktu tur team hrang hrang kokhawmin, inthlan felfai, dik leh thianghlim a awm theihna turin MLA candidate tinte inthlana senso chuan cheng nuai 28 a pel tur a ni lo, tiin ECI-in a bithliah a; hei hian a tum ber chu party lian leh hausa zawk leh party tenau leh sum nei tlem zawkte pawhin inthlanah intluktlang thei ang bera an inkhin theihna tur hmanrua a ni, tiin a sawi.
Kolasib district-a assembly bial pathum – Tuirial, Kolasib leh Serlui atana expenditure observer atana ruat Karni Dan hoin Thawhtanni vek khan Kolasib-ah an thukhawm bawk.
Tarlan tawh thin angin, expenditure observer hoa thutkhawmah hian District Expenditure Monitoring Committee member-te, MCMC, Control Room, Media Cell, Flying Squad, Static Surveillance Team, AEO, Accounting Team, Video Surveillance Team leh Video Viewing Team member-te an tel thin a ni.