Ram leh hnam kal zel tur thlirin fa neih tam inzirtir thar a ngai nia a hriat thu minister Lalruatkima chuan a sawi.
Ningania veng pathum – Kanan, Tuikual South leh Dinthar MHIP Branch ten MHIP Day vawi 49-na an lawm a hmanpuinaah Aizawl West-II bialtu MLA, minister Lalruatkima chuan ramdangten Mizoram leh hnam chu engtin nge min hmuh tih ngaihtuah reng a tul tih a sawi a. Nikum chhung khan statistics-a lan danah kohhran pakhatah phei chuan nau thar piang 18 chauh an nei, tiin, “Fa neih tlem aiin fa neih tam inzirtir thar a ngaiin a hriat a ni,” a ti.
Pipute hunlai atanga aia upate zah leh Zonun zemawi dangte a bo tan emaw tih tur khawpin tunlai thalaite khawsak duhdanah hmuh leh hriat hrehawm tak tak a awm tan tawh tih a sawi a. Chumi siamthat hna leh Zonun zemawi chhawmnung reng turin pawl pathum – YMA, MUP leh MHIP te an pawimawh a, a bikin chhungkaw nu berte awmna MHIP chuan mawhphurhnaah la in, mahni tu leh fate zirtir leh zilhna kawngah nasa lehzuala hma la turin a chah tih a sawi a ni.
Fa neih tam inzirtir thar a ngai – Lalruatkima
Get real time updates directly on you device, subscribe now.