Khawsakna sang zelah kan sum hman dan a danglam zel a, ei leh bar leh kawlphetha man sang zel chuan khawvel pum huapa sum sen ral dan pawh a khawih danglam hle tawh. Chutak chu fashion khawvelah ngat phei chuan a langsar zual a, mipui nawlpui tena an sum hman dan an her danglam chuan a hmasa berah fashion a nghawng lo thei lo.
Chu chu fashion industry tana hun duhawn lo a ni tihna a ni chuang lo va, creative hun tak zawk a ni, tiin Josephine Phillips, Sojo, on-demand app, thawmhnaw repair thin chuan a sawi. Kum 26 mi lek niin thawmhnaw hlui hluihhlawn mai tur ui a ni a, hnawl ai chuan siam danglam hret duh zawk a ni. “Mipui nawlpui te hian thil tlema thlak danglama han siam danglam hret ngaihtuah turin kan ngen a, tawnhriat hlimawm leh duhawm tak a ni a nia” tiin Josephine chuan a sawi a.
A thuamhnaw a tihthler palh avangin thawmhnaw siam danglam lamah ngaihdan neihphahin chuta tang chuan app a siamphaha a tirah chuan a bangbo viau. “Midang te ang bawkin thil thui ka thiam lo phawt a, hei vang tak hian thawmhnaw repair leh thui te chu awlsam taka kalpui a nih theih dan ka ngaihtuah a ni” tiin a sawi.
A app hmangin thawmhnaw repair duh te chuan app ah lutin an duhdan leh harsatna an sawia ch chu courier ten bike hmangin an lakhawm ta thin a ni. Thawmhnaw manah sum sen kan ngam tam loh mek laiin Josephine chuan kan thawmhnaw neih mek te tlema her danglama siam danglamin hlimna a thlen thei a ti a.
“Mite hian an thawmhnaw neih sa te tlema siam danglamin hlimna neiin ngaihdan dang daih an nei thei tih kan hria a ni” tiin Josephine chuan a sawi a.
January 2021 a Sojo a kalpui hnuah he company hian network 10 seamster a nei der tawh a. London ah inbun mekin UK dapchhuah an tum bawk a. An thawmhnaw siamthat leh siam danglam tam ber te chu lamna hmuna tihthler emaw tihchhiat palh te a nih thu a sawi a.
Kum 1980 chhovah khan recession nasa tak khawvelin a tawh laiin customising trend turu tak a pian phah tiin Edward chuan a sawi a. “mipui te khan creative tak an nihzia an pholang mai a. 80’s chhovah khan tie-died-shirts te pawh a larphah hle a nih kha” tiin a sawi.
TV a inlanna tam takah thawmhnaw hak tawh leh a hlui tawh te, siam danglam hlek te hak a lar leh hle tawh a. Chu chu TV mai a ni lo, runway lamah pawh thil thleng mek a ni bawk. “Tuna fashion show awm mek te i thlir a nih chuan vintage lam leh pre-loved fashion in a khat zawk a ni” tiin stylist Amy Bannerman chuan a sawi bawk.
Fashion khawvelah thawmhnaw hlui hak lar thar
Get real time updates directly on you device, subscribe now.