Hnathawka thut rei lutukin cancer risk tisang

Thokang lova rei tak thut reng hi hrisel nan a tha lo tih issue hmasa lamah kan tarlang tawh a, tunah chuan cancer risk a tisang thei niin mithiam ten an sawi leh ta.
Baker IDI Heart and Diabetes Institute, Australia-a mithiam ten zirchianna an neih atanga an hmuh danin, hetianga hnathawka kan thu hi minute hnih khat lek tho chhuaka kan tei kual vel hian kan taksaa cancer thlen thei molecules level a tihniam niin an sawi bawk a, zirchiannaa an hotu Neville Owen chuan, “Kan thut rei zawh poh leh cancer risk a sang tihna a ni mai,” a ti.
Nitin minute 30 vel tal exercise lak tur niin an sawi thin a, mahse, chu chu nilenga kan hun hman atanga teh chuan 3% vel chauh kan chevel (active) tihna a ni a, a dang 97% vel chu kan awm awl ta lutuka, chu chuan cancer risk a tisang ta a ni.
AICR thupuangtu Alice Bender chuan, “Reilote te kan han tho chhuaka, kan vei kual deuh thuak thuak te hian cancer risk a tihniam thei a, chuvangin, thu chunga hnathawk chi te chu an hnathawh kar lakah tho chhuakin minute 2 vel vei kual thin sela, chu chuan risk hi nasa takin a tihniam thei a ni,” a ti.
He zirchianna chungchang hi journal Live Science-ah tihchhuah a ni.