Rajasthan nula Nandini Gupta, kum 19, chu Femina Miss India World 2023 crown khumtir a ni ta a, Delhi nula Shreya Pooja chu first runner-up niin, Manipur nula Thounaojam Strela Luwang chu second runner-up a ni. Nandini hian Miss World thlannaah India ai a awh dawn a ni.
Indoor Stadium, Khuman Lampak, Imphal, Manipur-a Femina Miss India 2023 grand finale an neih zawh tak hi North East India-a Femina Miss India thlanna an neih vawi hnihna niin, 2016 khan Guwahati, Assam-in an lo thleng tawh bawk a ni. Kumin hi Miss India thlan vawi 59-na niin, winner Nandini Gupta hi engineering leh medical lama intah lum tumte tana coaching hub lian ber te zinga mi Kota, Rajasthan a cheng a ni a, Bussiness Management a degree nei a ni bawk.
Femina Miss India 2023 grand finale hi Bhumi Pednaker leh Maniesh Paul ten an host a, Kartik Aaryan, Ananya Panday, Sini Shetty, Rubal Shekhawat, Shinata Chauhan, Manasa Varanasi, Manika Sheokand, Manya Singh, Suman Rao leh Shivani Jadhav te performance hmuhnawm tak tak en tur a awm bawk.
He event-ah hian round hrang hrang fashion tana duan neih niin, contestant 30 te chu Namrata Joshipura tan Trends, Rocky Star leh Robert Naorem te kutchhuak hmangin an inlan a ni. Judge panel Femina Miss India Universe 2002 leh Mentor ni bawk Neha Dupia, Indian boxer Laishram Sarita Devi, choreographer Terence Lewis, film leh ziaktu hriathlawh Harshavardhan Kulkarni leh designer Rocky Star leh Namrata Joshipura te an thu a, contestant leh jury panel te hian interaction neiin, an zawhna te an chhang vek bawk a ni.
Grand finale-ah hian finalist 30 te inlanin, a dawtah gown round a awm a, chuta tangin top 12 an thlang a, top 7 thlang lehin, chuta tang chuan winner an thlang ta nghal a ni. Winner hi nikum Femina Miss India Sini Shetty-i’n crown a khumtir ta a ni.
Femina Miss India 2023 – Nandini Gupta
Get real time updates directly on you device, subscribe now.