Fifa World Cup-a ram 32 te inelna hnuhnung ber chu Qatar-a khelh World Cup 2022 kha a ni a. World Cup 2026 atang chuan ram 48 ten inelna lian an hmachhawn tawh dawn. Ram 48 te hi group hrang hranga an then hran hunah group khatah eng zat nge awm ang tih chungchangah Fifa chuan thutlukna fumfe ala nei thei rih lo va, hemi chungchangah hian March 15 hian thutlukna siam an tum dawn.
World Cup 2026 ah hian team 48 te hi group 16-ah thenin, group khatah team thum zel awm turin ruahmanna siam a ni hmasa zet a. Ngaihtuahna leh rawtna thar hrang hrang a awm hnuin Group 12-ah then a, group khatah ram pali zel awm tir tum a ni leh ta zawk. FIFA hian March ni 16 khian Rwanda-ah Governing Body Council an nei dawn a, he council-ah hian thutlukna an siam tawh dawn.
Kan hriat tawh angin World Cup a ram 48 telna hmasa ber World Cup 2026 hi ram pathum; USA, Mexico leh Canada ten an inthlen tawn dawn a. Anni pathum hi World Cup khel turin an tling chiang nghal bawk.
FIFA in thutlukna siam dawn
Get real time updates directly on you device, subscribe now.
Prev Post
Next Post