FIH Pro League: Australia lakah India a tlawm

Hmeichhe lamah Lalremsiami telna India hmeichhe hockey team-in Australia nulate an hneh lo zawn awlh awlh a, tun Ningani mai khan Bhubaneswar khuaa FIH Pro League match-ah India mipa team pawh Australia lakah 4-6 ngawtin an tlawm ve leh.
He inkhelah hian captain Harmanpreet Singh chuan mualneitu team tan goal hnih hlaplut mah se final quarter-ah Indian men’s hockey team hian sithum an chhuah a, mikhual team laka tlawm an pumpelh zo ta lo a ni.
Australia lamin bul tan fuh hmasa zawkin, a tawp an khar dan pawh a tha zawk a; hun laihawlah India player-te’n khel tha ve bawk mah se Harmanpreet (12th, 20th minutes)-a penalty corner vawihnih vuakluh baka Sukhjeet Singh (18th) leh Mandeep Singh (29th)-te goal khat ve ve thawh chuan home team a chhan zo lo.
Australia tan Blake Govers chuan a tir lamah goal hnih thun nghal thawtin, a hnuah Aran Zalewski (40th), Lahlan Sharp (52nd), Jacon Anderson (55th) leh Jack Welch (58th)-te’n an khung belh a,
Kookaburras lakah chiang fuin kawr pawl ha team an tlawm.
India hian nimin result tarlan hman lohah team nem zawk tura ngaih Ireland an su zui leh.