Aizawl Day 133-na denchhena Aizawl Municipal Corporation, Information & Public Relations department leh Mizoram Film Forum tangho buatsaih Aizawl Day Film Festival chu Nilaini khan I&PR directorate-ah Aizawl mayor Lalrinenga Sailo chuan a hawng.
Official taka Aizawl hi khuaa puan a nih champha kum 133-na a lo thlenin Aizawl mipui chibai a buk tih mayor hian a sawi a. Mi 450000 vel chen mekna khawpui hian hma a sawn zelna atan leh duat taka enkawl chu kan zavaia koah a innghat a ni tih a sawi. Kum tinin Aizawl Day hi lawm tura ruahman niin, a lawmna hmasaah hetianga Film Festival buatsaih a ni chu lawmawm a tih thu a sawi bawk.
“Mizo film industry tan hetiang platform buatsaih zel hi AMC chuan a tum a. Film industry hi kan hnam, kan ram phochhuahna leh hna siamtu tha tak, mipui min awmtleitu a nih avangin chawinun zel a ngai a ni,” a ti bawk.
Film Festival hian February 24 thleng a awh dawn a. Hemi chhung hian nitinin film chi hrang hrang tihchhuah thin a ni ang.
Film Festival nei tan
Get real time updates directly on you device, subscribe now.
Prev Post
Next Post