Financial market ten inthlan result nghakhlel

Kar ruk zet national election neih tawp chuan a tawp a thleng ta a, Inrinni hian a thawh sarihnaah vote thlak a ni ang a. Financial market chuan June 4 a vote chhiar chu an nghakhlel zual hle.
Pollster leh political analysts ten inthlana chakna chang turah an ngaihdan a in ang lo va, vote tla tam lo chu Prime Minister Narendra Modi leh a Bharatiya Janata Party (BJP) tana duhawm lova ngaih a ni.
Inthlan hnuhung ber kum 2019 khan Lok Sabha seat 543 awmah BJP leh an thawhpuite chuan seat 352 an la a, BJP ringawt pawhin seat 303 an la a ni.
Inrinni a vote thlak zawk fel hma chuan exit poll lak phal a ni lo va, mahse, April thlaa opinion poll lakah kha chuna BJP te chu sorkar leh tura ngaih tia sawi a ni.
Betting market lam traders tena rinrawl pakata an neih te chuan BJP te chuan kuminah seat 300 vel kum 2019 a an lak zat ang vel an lak an ring thung.
Fund managers, analysts leh economicsts te chuan inthlan zawhah thil awm dan tur ngaihruatna an neihah BJP te chu an insawhnghet zel zawk thei an ti.
BJP tena kum 2019 aiaa majority sang zawk an neih chuan equity market te chuan growth-supportive economic policy an beisei ang a, infrastructure lama sum sen tam, manufacturing sector tihpun lam kalpui an beisei ang tiin Rajesh Bhatia, chief investment officer, ITI Mutual Fund chuan a sawi.
Chutiang a nih chuan benchmark indices S&P Sensex leh NSE Nifty 50 te chu 4-5% velah a awm thei ang tiin Abhishek Goenka, IFA Global, forex consultancy and asset management firm chuan a sawi bawk.
Rupee hlutna chu tuna dollar laka 83.32 chu 82.80 lvel velah a awm thei ang a, benchmark bond yield pawh tuna 7% vel atangin 6.90%-6.92% velah a tlahniam thei ang, tiin VRC Reddy,. treausry head, Karur Vysya Bank chuan a sawi.
PM Modi lal leh chu market chuan positive angah nga dawnin a chhan chu political statbility a awm ang a, an policy te an chhunzawm theih dawn vang a ni, tiin James Thom, senior investment director of Asian equities, Singapore chuan a sawi.
BJP ten thuneihna chang tho se mahse seat tlem zawk an la a nih chuan market chuan hun reilote harsatna a tawk ang a, mahse, a pangngai leh vat tho ang an ti bawk.
Market chu BJP tena hnehna chang thovin mahse a hma aia seat la tlem zawk tura beiseisa in a awm tawh tiin Gaurav Dua, head of marketing strategy, Sharekhan chuan a sawi a.
BJP sorkar lai mekin tun inthlna seat 300 aia hniam hret la pawh ni se, market kal dan a khawih buai tawh chuang lovang tiin, Umeshkumar Mehta, chief investment office, Samco Asset Management chuan a sawi a.
Rupee leh bond yield chuan engmah danglamna liantham an tawk lovang, tiin Vijay Sharma, senior executive vice president, PNG Gilts chuan a sawi.
BJP te an chak loha Congress kaihhruai Opposition tena thuneihna an chang a nih chuan market ah sell-off a thleng ang a, sorkar policy thar a chian an nghak thung ang.
Sumdawng te tuna BJP policy avanga hlawkna chang mek te chuan Opposition te chak an duh dawn lo va, opposition ten sorkar na an chang a nih chuan policy thar an kalpui dawn vang a ni.
Opposition ten chakna an chang a nih chuan benchmark stock market chu 10% velin tlahniam nghal turah financial analyst te chuan an ngai a ni.