Fire Services lawmman dawn
sumfai an hnena pe turin ngen
Lungei Fire Station-in chawimawina a dawna sumfai a dawn tel chu an hnen thleng ngei se an duh tih Congress party chuan an sawi.
Lungleia Congress party hruaitu Joseph Lalhimpuia chuan Lunglei khawpui kang mai tur, Fire & Emergency Services mi tlemte leh Lunglei mipuiin tlawmngaih chhuah a, thih pawh huama kang an thelh avangin India sawrkar chuan India rama Fire Service lama thawk tha ber, ‘Subash Chandra Boss Aapda Prabandhan Pushkar Award 2023’ a pe a, sumfai cheng nuai 51 bakah staff-te tan nuai 5 a tel a, mahse he sum hi Fire department tih changtlunna’na hman a la ni lo chu a rilru nat thlak tih a sawi.
“He lawmman sumfai hi 2023 March 10 khan Mizoram sawrkar account-ah a lut tawh a, hmannia Home minister Lungleia a lo kal khan Aizawl atangin an hotuten thutphah, fridge, TV vel an lo dahluh tir a, Congress sawrkar lai kha chu nise, Fire department staff-te hi sum kan pe ang. Cheng nuai 51 pawh hi Lunglei Fire department tih changtlunna’n hmang ngeise kan duh a ni,” Joseph Lalhimpuia hian a ti.
Fire Services lawmman dawn sumfai an hnena pe turin ngen
Get real time updates directly on you device, subscribe now.
Prev Post