C Versatile Spain full-back, winger ni kawp bawk Lucas Vazquez chu Real Madrid nen contract thar chungchangah inremna an nei thei tep tawh a. Real hian an captain hi June 2025 thleng tal kawl chhunzawm an duh. (Marca – in Spanish)
-- Advertisement --
C Ipswich Town boss Kieran McKenna chu Brighton leh Chelsea te nen sawi zawm ni bawk mah se, a club hlui Manchester United a ngaichang rih zawk dawn. (Times – subscription required)
C Ipswich a neitu nihna ngah ber Ed Schwartz chu USA atangin UK-ah a zin a, an manager McKenna chu an hnenah cham chhunzawm turin hmin a tum. (Sky Sports), external
C Chelsea in ban tawh mah se Mauricio Pochettino chuan Premier League-ah cham chhunzawm a duh a. Manchester United in an manager Erik ten Hag an ban a nih chuan Pochettino hian United enkawl a duh. (Standard)
C Pochettino hmunruak luahtu tur zawng mek Chelsea chuan Leicester City manager Enzo Maresca an kawm. (Standard)
C Maresca hi Leicester atanga a lak chhuah theihna zat chu £7.5m a ni. (Talksport), external
C Chelsea hian Brighton boss hlui Roberto de Zerbi chu an manager thar ni turin an thlithlai tel bawk. (Telegraph – subscription required)
C Chelsea hian an manager thar atan tu pawh ruai dawn se Crystal Palace winger Michael Olise lak luh ngei an duh a. Kum 22 mi hi £60m senga lak tumin an dawr. (Mirror), external
C Borussia Dortmund chuan loan-a an hawh mek England winger Jadon Sancho chu a ngheta lak an tum a. Mah se, United in Sancho hi an chhiar to em vangin an dawr hlawhtlin theih a beiseiawm loh viau thung. (Sky Sports Germany)
C Bayern Munich leh Burnley te manager Vincent Kompany chungchanga an indawrna chuan a vawrtawp a thleng chho tan ta a. Bayern hian Kompany hi 2027 thleng daih contract zawrh an tum. (Sky Sports Germany)
C Gian Piero Gasperini chuan Napoli manager thar a nih theihna hun tha chu hnar in, Europa League-a a champion pui Atalanta-ah contract thar ziah leh a chak zawk. (L’Eco di Bergamo via Football Italia)
C Saudi Pro League club te chuan Liverpool leh Egypt forward Mohamed Salah leh Manchester City midfielder Kevin de Bruyne te chu free transfer a lak theih hun 2025 nipui bazar nghah thlen law law an tum ta zawk. (Telegraph – subscription required)
C AC Milan leh Saudi club te chuan Brazil defender Emerson Royal an thlithlai a, Tottenham chuan kum 25 mi hi hralh an lo tum ve mek bawk. (Football Insider)
C Arsenal chuan kum 18 mi Stade Rennais winger Desire Doue an ngaihven a, lak tuma hel ve tu club dangte nen inelna turin an inhmakhua a. Doue lak tuma hel zingah hian London club lian Tottenham pawh an tel. (Mirror, external)
C Veteran Croatia midfielder Luka Modric chuan champions league final an khelh zawh hunah Real Madrid-ah kum khat daih contract a ziah belh leh dawn. (Relevo – in Spanish)
C AC Milan leh Juventus te chuan Borussia Dortmund leh Germany defender Mats Hummels chu free transfer in lak an tum. (Bild – in German)
C Manchester City keeper Ederson chu Al-Ittihad in lak an tum zui zel a, Saudi Pro League hian kum 30 mi Brazil international manah £25m thehchhuah an huam. (Mail)
C Manchester City manager Pep Guardiola chuan season thar tawpa contract a hman zawh hunah City a kalsan zui tura ngaih a ni. (Mail)
C Manchester United chuan Brentford manager Thomas Frank aiawh leh Chelsea boss hlui Mauricio Pochettino te an dawr a. An manager ni mek Erik ten Hag hmalam hun a chiang lo tak zet a, ban a tawh a rinawm zui zel. (Telegraph – subscription required)
C United in an manager thar atan Pochettino an ruai a nih chuan Argentine manager hian a club hlui Chelsea atangin midfielder Conor Gallagher leh defender Trevoh Chalobah te Old Trafford-ah hruai luh ve a tum dawn. (Football Insider, external)
C Chelsea in Pochettina an chhuahtir hnuin Brentford manager Thomas Frank leh Chelsea te hi an manager hnaruak chungchangah an indawr. (Christian Falk), external
C Brighton manager hlui Roberto de Zerbi chu Chelsea in an manager thar ni tura an duhzual pali zingah a tel a. Chelsea in lak an duh zual dangte hi Frank, Leicester City manager Enzo Maresca leh Ipswich Town manager Kieran McKenna te an ni. (Mail)
C Leicester boss Maresca chuan Sevilla in an sawmna a hnar a, Premier League-ah cham chhunzawm rih a duh. Maresca hian Chelsea nen an indawrna a ngaichang mek. (Fabrizio Romano)
C Manchester United chuan Blackburn rawlthar striker Igor Tyjon an hmutai hle. (Sun, external)
C Season liam taah first team tana khel ve tan Stoke midfielder Sol Sidibe chu Chelsea, AC Milan leh Monaco ten lak an tum hlawm. (Mail, external)
C Manchester United chuan England midfielder Kobbie Mainoo contract thar tha zawk pek hun atan nipui bazar tawp hun nghah thlen phawt an tum. (Telegraph – subscription required)
Aston Villa chuan kum 30 mi English midfielder Ross Barkley chu kum hnih daih contract ziahpui an tum a. Barkley hian EPL atanga tlahniam Luton Town a chhuahsan thei dawn. (Football Insider)
Real Betis defender Chadi Riad chu Crytal Palace zawm fel thuai turin England-ah a zin a, medical test a hmachhawn thuai tura ngaih a ni. Palace hian Riad hi £12.7m sengin an lak luh a rinawm. (Mail, external)
Morocco midfielder Sofyan Amrabat chuan Manchester United nen a hma lam hun tur chungchangah an inbiak thuai tur thu a sawi.(Ziggo Sport, via Metro)
Denmark midfielder Pierre-Emile Hojbjerg chuan bul tan tam theihna hmun tur zawngin Tottenham chhuahsan ngei a tum. (Football Insider), external
German champions Bayer Leverkusen chuan Girona atangin Spanish midfielder Aleix Garcia an la lut fel tep tawh a. Kum 26 mi Garcia manah hian 15-20m euros (£11.8m-£15.7m) vel bawr an seng. (Sky Sports Germany)
Burnley chuan Bayern Munich pan ngei tura ngaih manager Vincent Kompany hmunruak luahtu tur an zawng a. An manager thar ni tura an duh zual zingah Chelsea boss hlui Frank Lampard leh Nottingham Forest manager hlui Steve Cooper te an langsar hle. (Patreon, via Football League World)
Norwich City chuan an Head Coach thar ni turin FC Nordsjaelland manager Johannes Hoff Thorup dawr thuai an tum. (Sky Sports)