c Arsenal chuan RB Leipzig in lak an tum, Reims-ah loan a khel mek English striker Folarin Balogun manah £35m an chhiar. (Florian Plettenberg)
-- Advertisement --
c Bayern Munich chuan nipui bazar inhawn hunah Tottenham atanga England striker Harry Kane lak tumin an ngaihven. Kane hian Premier League khelh chhunzawm a duh vangin Bayern ai hian Manchester United in an lak theih a rinawm zawk thung. (Mirror)
c Heti chung hi German champions Bayern hian tu nge mi lem thiam zawk tih en chhin a, Tottenham hnenah Harry Kane lak nana tawktarh nei that lama inel turin an inpeih viau thung. (Independent)
c Liverpool, Chelsea leh Manchester United te chuan Brighton leh Argentina midfielder Alexis Mac Allister an ngaihven hlawm. (Guardian)
c Chelsea in Reece James hralh an tum a nih chuan Real Madrid chu England defender James dawr turin an inpeih. (Mail)
c Manager nghet zawng mek Chelsea chuan Spain boss hlui Luis Enrique an titi pui tawh a. Bayern Munich boss Julian Nagelsmann chu titi pui atan an sawm zui leh. (Bild – in German)
c Barcelona chuan nipui bazar inhawn hunah Brazil winger Raphinha lak tumin Chelsea in hma an lak thar leh ngei an ring. (Sport – in Spanish)
c Chelsea in lak an tum Leeds United si nghak Illan Meslier chuan Premier League an khel chhunzawm dawn a nih pawhin Leeds United chhuahsan tho a duh. (Football Insider)
c Cristiano Ronaldo-a khelhna Al-Nassr chuan an manager ban tak Rudi Garcia hmun ruak luahtu atan Zinedine Zidane emaw Jose Mourinho emaw zawk zawk rawih an tum. (CBS Sports)
c Liverpool leh Manchester City te chu Nice leh France midfielder Khephren Thuram thlithlai zingah an tel. (Foot Mercato – in French)
c Nipui bazar liam taah Real Madrid zawm teuh viau mah se France forward Kylian Mbappe chuan champions League-a PSG champion pui chu a hmachhawp lian a nih thu a sawi. (90min)
c Club lian tak tak Bayern Munich, Manchester United leh Tottenham ten ngaihven bawk mah se Spain forward Ansu Fati chuan Barcelona-ah cham chhunzawm a duh. (Mundo Deportivo – in Spanish)
c Manchester City leh Chelsea te chuan chawlh kar liam ta khan Monaco leh France defender Axel Disasi thlithlai turin an scout te an tirchhuak. (Le Parisien – in French)
c Chelsea chuan England midfielder Mason Mount chu contract thar chungchangah inremna an neihpui theih ngei an ring hle. (90min)
c Fulham chuan Manchester United in lak an tum Portugal international Joao PalhinhaPorto hmunruak luahtu atan Colombia midfielder Mateus Uribe lak an rilruk. (Sun)
c Crystal Palace leh Ivory Coast forward Wilfried Zaha chuan Europe-ah inkhelh chhunzawm a la duh rih vangin Saudi Arabian club atanga sawmna a dawn chu hnar a tum. (Mail)
c Nottingham Forest chuan EPL an khel chhunzawm dawn a nih chuan Flamengo leh Brazil striker Pedro lak tumin dawr nghal an tum.(Football Insider)
c Colombia midfielder James Rodriguez chuan Olympiacos-a a contract tihtawp a remti a, free agent a ni dawn. (Liverpool Echo)
c English midfielder Adam Forshaw chuan nipui bazar inhawn hunah Leeds United chhuahsan ngei a tum. (Football Insider)