Football titi

C Liverpool chuan an hnena khel tha tluang hleithei lo Uruguay striker Darwin Nunez chu nipui bazar inhawn hunah an hralh ngei a rinawm. (The Athletic – subscription required)

C Manchester United chuan Crystal Palace leh England midfielder Adam Wharton chu lak tumin an ngaihven a, kum 21 mi hi Italian club lian Juventus in lak tumin an ngaihven ve reng bawk. (CaughtOffside)

C Nipui bazar inhawn hunah manager Pep Guardiola chuan an squad siksawi a, hlak danglam chiam a tum dawn a. England midfielder Jack Grealish, Belgium playmaker Kevin De Bruyne leh Portugal forward Bernardo Silva te chu Etihad Stadium chhuahsan tura ngaih langsar zual zingah an tel. (Daily Star)

C Guardiola hian Manchester City chhuahsan tumin thutlukna a lo siam tawh a. Mah se chhuah a dil a nih erawh chuan club in dan an tum lo. (Telegraph – subscription required)

C AC Milan chu Rafael Leao dawrna dawngsawng turin an inpeih a. Kum 25 mi hi Barcelona leh Chelsea ten hun rei tak atangin an lo hmutai tawh a, an la mitmei zui reng bawk. (La Gazzetta dello Sport in Italian)

C Manchester United chuan Atalanta leh Argentina goalkeeper, Atletico Madrid ah loan a khel mek Juan Musso chu lak tmin an ngaihven. United si nghak duh thlan Cameroon international Andre Onana chu beisei angin a chetha tluang hleithei meuh si lova, United hian si nghak dang an melh a ngaih phah a, Musso hi hmutai hle. (Fichajes – in Spanish)

C Manchester United hian AC Milan leh France left-back Theo Hernandez lak tumin an ngaihven bawk a, kum 27 mi Hernandez hi AC Milan hian hralh an hnial lo niin tarlan a ni. (Fichajes – in Spanish)

C Manchester United chu European club atanga Sporting leh Portugal Under-21 wing-back Geovany Quenda ngaihven zingah an tel. (TeamTalk)

C Arsenal chuan Spanish goalkeeper Joan Garcia an hmutai viau a, nipui bazar inhawn hunah Espanyol lak tumin hma an la ang. (Teamtalk)

C Newcastle chuan nipui bazar inhawn hunah Burnley leh England goalkeeper James Trafford lak an tum dawn. (Mail Plus – subscription required)

C Barcelona, Bayern Munich leh Paris Saint-Germain te chuan Manchester United attacker hlui Mason Greenwood chu Marseille atanga lak tumin an ngaihven hlawm. United chuan an forward hlui Greenwood hralhna atangin 50% an chang ve thei dawn. (GiveMeSport)

C Newcastle hian Bournemouth leh Ghana striker Antoine Semenyo chu lak tumin an ngaihven tel bawk. (talkSPORT)

C An game hnuhnung vawi 11-ah vawi thum chauh hnehna chang bawk mah se Chelsea manager Enzo Maresca chu club thuneitute leh player ten an la thlawp tha hle. (Mail Plus – subscription required)

C Cheslea in champions league an khelh phak lo a nih pawh Cole Palmer tan club dang pana chhuah ngawt theihna a nei lova, an inremna contract-ah hetiang hi ziah tel a ni lo. (Mail Plus – subscription required)

C Ange Postecoglou-a’n bang tura thutlukna a siam a nih chuan Bournemouth manager Andoni Iraola chu Tottenham manager thar a ni thei dawn a. Spurs hian an manager thar tura an duh ber chu Iraola hi a ni. (talkSPORT)

C Arsenal chuan nipui bazar inhawn hunah kum 15 mi Scottish central defender Callan Hamill chu St Johnstone atanga la thei turin inremna an nei thei ta. (Athletic – subscription required)