c Paris St-Germain chuan nipui bazar inhawn hunah Neymar hralh an rilruk a. Neymar hi Chelsea in lak an tum dawn. (Mirror)
-- Advertisement --
c PSG striker Lionel Messi chuan a ropuina Barcelona-ah kir leh a duh a. Spanish club lian Barca hian Messi la let leh thei turin player hralhna leh thil dang atangin £88m an tualchhuah a ngai dawn thung. (Mail)
c Tottenham striker Harry Kane-a’n Premier League chhuahsan hreh bawk mah se Bayern Munich in Kane hi nipui bazar inhawn huna lak an tum zingah an la telh tho thung. (Bild – in German)
c AC Milan chuan Manchester City-ah kum khat chauh contract nei tawh England right back Kyle Walker lak an rilruk. (Times – subscription required)
c Juventus chuan Chelsea-ah kum khat a cham awrh chauh chunga hlim lo Senegal defender Kalidou Koulibaly lak an duh. (Gazzetta dello Sport – in Italian)
c Brighton midfielder Alexis Mac Allister chuan sawmna tha tawk tak an dawng a nih chuan ngaihtuah ho an tum a. Brighton-ah a la hlim tawk rih em vangin chhuah a tum bur hran lo thung. (ESPN via 90 Min)
c Liverpool chuan Croatia defender Josko Gvardiol an ngaihven chiam ngam tawh rih lo. Red Bull Leipzig in Gvariol manah £80m zet an chhiar chu to uchuak niin an hria. (Football Insider)
c Liverpool in lak an tum Chelsea midfielder Mason Mount chu Manchester City pawhin an ngaihven. (Florian Plettenberg of Sky Sport Germany)
c Manchester City chuan £30m senga lak theih tur Brentford leh Scotland full-back Aaron Hickey lak tumin ruahmanna an siam. (Sun)
c Spain boss hlui Luis Enrique chu Chelsea manager nih tuma intlansiak zingah a tel ve tawh lo. (Fabrizio Romano)
c Chelsea in an manager thar thar atan Tottenham boss hlui Mauricio Pochettino rawih an tum chuan an player te a tiphur hle. (Telegraph – subscription required)
c Chelsea manager nih tuma inelna atanga inhnukdawk Bayern Munich boss hlui Julian Nagelsmann chuan season tharah Tottenham enkawl a duh. (Bild – in German)
c Arsenal, Chelsea leh Liverpool te chu Valencia leh United States defender Yunus Musah ngaihven zingah an tel. (90 Min)
c Liverpool, Tottenham leh Manchester City te ngaihven bawk mah se Chelsea chuan England Under-21 defender Levi Colwill hralh an tum rih lo. (Football Insider)
c Liverpool leh England striker hlui Robbie Fowler chuan League Two team Tranmere Rovers manager hna ruak mek chu dil ve a tum. (Sun)
c Newcastle, Crystal Palace leh Brighton te chuan Blackburn rawlthar duhawm England Under-19 midfielder Adam Wharton an ngaihven hlawm. (Sun)
c Barcelona scout te chuan nipui bazar inhawn hunah right-back lak tur an thlithlai kual duah a, player 13 ngawt an enthlak zingah Manchester United defender Diogo Dalot leh Manchester City defender Joao Cancelo te pawh an tel. (Mundo Deportivo – in Spanish)
c Chelsea chuan Portuguese winger Diego Moreira chu nipui bazar inhawn hunah Benfica atangin free reasfer in an la thei dawn. (Record – in Portuguese)
c Arsenal chuan Chelsea a Mason Mount dinhmun an thlithlai thar ve leh a. Nipui barzar inhawn hunah Liverpool in lak an tum England midfielder hi an ngaihven thar hle. (Goal)
c Gunners hian Real Sociedad tana khel mek Spain midfielder Martin Zubimendi leh French defender Robin le Normand te belchiang turin an scout te an tirchhuak bawk. (Mail)
c Paris St-Germain chu £133m zet senga Napoli leh Nigeria striker Victor Osimhen lei tumin an inbuatsaih a. PSG hian Osimhen lak tuma intlansiak zingah Chelsea hmakhalhin hma an hruai mek. (Football Insider)
c Brazil striker Roberto Firmino chuan contract hmang zova Liverpool a chhuahsan hunah Barcelona zawm a remti. (Mail)
c Chelsea leh Croatia midfielder Mateo Kovacic-a advisor chu Manchester City nen transfer chungchangah indawr turin London-ah a zin. Kum 28 mi hian Chelsea-ah a kum tawp a hmang chho mek zel. (Sport Klub – in Croatian)
c Liverpool leh Tottenham te chuan kum 23 mi French defender Evan Ndicka chu Eintracht Frankfurt-a contract a hman zawh hunah free transfer in lak an tum dawn. (Football Insider)
c Manchester United chuan nipui bazar inhawn hunah player 12 vel zet hralh an tum dawn a. Hralh an tum langsar zingah England defender Harry Maguire, Spain goalkeeper David de Gea leh France striker Anthony Martial te an tel. (Mirror)
c Red Devils hian £45m senga lak theih tur Valencia leh Georgia si nghak Giorgi Mamardashvili chu De Gea hmunruak luahtu atan lak an rilruk. (Givemesport)
c Southampton leh England midfielder James Ward-Prowse chu Newcastle leh Aston Villa ten lak an duh. (Mail)
c Inter Milan in ngaihven bawk mah se Barcelona leh Spain defender Marcos Alonso chuan Nou Camp chhuahsan tumna a nei lo. (Mundo Deportivo – in Spanish)
c Real Madrid leh Croatia midfielder Luka Modric chuan Real Madrid-a a hlawh let zeta tam hlawh tura sawmna Saudi Arabian club atangin a dawng. (AS – in Spanish)