c Tottenham chuan an forward pawimawh Harry Kane chu kum khat chauh contract nei tawh bawk mah se kawl chhunzawm tho an tum a. Hei vang hian Kane hi Manchester United in nipui bazar inhawn hunah an la thei lo mai ang tih an hlau hle. (Mirror)
-- Advertisement --
c La Liga president Javier Tebas chuan Barcelona atanga Spanish midfielder Sergio Busquets chhuan tur chuan Spanish club in Paris St-Germain a contract hmang zo mai tur Argentina forward Lionel Messi an lak let leh theihna tur kawng a sial chiah niin a sawi. (Cadena COPE – in Spanish)
c Belgium striker Romelu Lukaku chuan loan-a a khelh mekna Inter Milan atangin Chelsea ah kir leh a tum a. Blues manager thar ni turah ngaih Mauricio Pochettino hnuaiah intuaithar leh a tum dawn a. A hma hun turah thutlukna a siam hmanin pre-season-ah eng dinhmun nge a luah dawn tih ngaihchan phawt a tum. (Mirror)
c Pochettino hian Chelsea leh England midfielder Mason Mount te chu contract thar chungchangah indawr thar leh turin a duh. (Standard)
c Chelsea chuan Manchester United in an ngaihven Croatia midfielder Mateo Kovacic manah £30-40m chhiar an tum. (Football Insider)
c Aston Villa chuan Sporting Lisbon midfielder Manuel Ugarte lak tumin an dawr a. Kum 22 mi Uruguay international hi Chelsea leh Liverpool te nen sawizawm an ni bawk. (Football Transfers)
c Ugarte-a agent chuan Sporting Lisbon chhuahsan ngei tura ngaih Ugarte hian ngaihventu eng emawzat a neih thu a sawi. (O Jogo – in Portuguese)
c Spain keeper David de Gea a chhuak a nih chuan Manchester United chu Everton leh England goalkeeper Jordan Pickford dawr nghal turin an inpeih. (Mirror)
c Manchester United hian kum 20 mi Anderlecht and Netherlands keeper Bart Verbruggen an ngaihven a. Hei vang ngawt pawh hian De Gea-a dinhmun hi a derthawng sa tawh hrim hrim. (Manchester Evening News)
c Newcastle, Manchester United leh Liverpool scout te chuan Nice leh French centre-back Jean-Clair Todibo an thlithlai. (Fabrizio Romano)
c Chelsea, Manchester United leh Tottenham ten lak an tum Argentina keeper Emiliano Martinez chuan nipui bazar inhawn hunah Aston Villa chhuahsan a tum. (Gaston Edul, TyC Sports)
c Inter Milan chief executive Giuseppe Marotta chuan an manager Simone Inzaghi a cham chhunzawm a nih chuan Manchester United nena sawi zawm Cameroon keeper Andre Onana pawh an hnenah a cham chhunzawm a ring. (La Gazzetta dello Sport – in Italian)
c Aston Villa chuan nipui bazar inhawn ruala contract hmang zo tur Real Madrid forward Marco Asensio lak an tum. (Athletic – subscription required)
c Newcastle United hian Paris St-Germain in lak an tum Bayer Lever-kusen winger Moussa Diaby pawh chuhpui an tum a. German club hian French international manah hian a tlem berah pawh 60m euros zet an chhiar. (Sport Bild – in German)
c Arsenal pawhin January thlah khan Diaby hi an lo thlithlai ve tawh bawk a, nipui bazar inhawn huna lak turin an lo hual ve tawh bawk. (Standard)
c Bayern Munich chuan loan a an hawh mek Manchester City defender Joao Cancelo chu kawl chhunzawm an tum. Arsenal leh Barcelona te pawhin kum 28 mi Portugal international hi an ngaihven ve bawk. (90 Min)
c Brentford chuan an si nghak David Raya manah £40m an chhiar. (Sky Sports)
c Everton chuan Southampton leh Ghana defender Mohammed Salisu an ngaihven hle. (Football Insider)
c Premier League-ah an cham chhunzawm a nih chuan Nottingham Forest chuan Brennan Johnson lak tuma dawrtute hnar fikthlak that an tum. Johnson ngaihven zingah hian Aston Villa leh Newcastle te pawh an tel. (Football Transfers)
c Norwich City chuan English striker Ashley Barnes chu Burnley-a contract a hman zawh hunah lak luh an tum. (Football Insider)
c Chelsea defender Dujon Sterling chuan free transfer in Scottish club Rangers a zawm thuai a beiseiawm. (Standard)