Football titi
c Manchester United in £30m senga Denmark forward Rasmus Hojlund lei an dilna chu Atalanta in an hnar. (Corriere dello sport, in Italian)
c Inter Milan chief executive Beppe Marotta chuan Manchester United in Cameroon goalkeeper Andre Onana lak tumin an ngaihven ngei tih a nemnghet. (Mail)
c David de Gea-a’n Manchester United-a contract a hman zawh hnuin Saudi Arabia club lian Al-Nassr chuan United si nghak hlui hi lak an rilruk. (Sun)
c United hian Inter Milan atanga Onana an lak theih loh thulhah tiin Feyenoord si nghak Justin Bijlow an ngaihven tel bawk. (Mirror)
c Roma chuan loan a lak tumin United forward Mason Greenwood an ngaihven. (Sun)
c Borussia Dortmund in loan a Jadon Sancho hawh let leh an tumna chu United in an hnar. (Star)
c Newcastle chuan kum 23 mi Italy midfielder Sandro Tonali chu AC Milan atangin an la thei ngei dawn niin a lang ta a, an inlak hun tur hi tihkhawtlai hret a ni thung ang. (Fabrizio Romano)
c Real Madrid chuan an elpui lian Barcelona in lak tuma an hel mek Fenerbahce rawlthar duhawm Arda Guler lak an tum thar ve leh a. La Liga club lian pahnihte hian £15m senga lakchhuah theih tur Guler an inchuh dawn. (Mundo Deportivo – in Spanish)
c West Ham chuan Arsenal pana chhuak tur Declan Rice a kawr chu hralhchhuah tur zingah an tel ve ta lo. Kum 24 mi England midfielder Rice hian tunkar chhung hian Arsenal a zawm fel hman tura beisei a ni. (Mirror)
c Brighton, Liverpool leh Manchester City ten lak tuma an ngaihven kum 20 mi English defender Levi Colwill chuan Chelsea manager thar Mauricio Pochettino hnuaiah hmun pawimawh tak a chang dawn. (Football.London)
c Fulham chuan Valencia atangin United States international midfielder Yunus Musah lak an duh. (Sun)
c Spain midfielder hlui Juan Mata chuan Turkish club Galatasaray a chhuahsan tih a puang. (Tribal Football)
c Ajax leh Netherlands defender Jurrien Timber chuan tunkar chhung hian Arsenal a zawm fel hman dawn. Ajax leh Arsenal te hi Timber manah £45m in an lo inrem tawh. (Mirror)
c Arsenal hian tunkar chhungin Timber leh Rice lak luh fel bakah an player neih sa defender William Saliba leh winger Reiss Nelson te contract thar ziah felpui hman an tum. (Mirror)
c Arsenal in London-a an elpui Chelsea atanga an lak luh Germany forward Kai Havertz chuan kum khatah £17m zet a hlawh thei dawn a, Arsenal player hlawh hnem ber a ni nghal dawn. (Bild, via Goal)
c West Ham chu Universidad de Chile tana khel mek kum 19 mi Dario Osorio ngaiven eng emawzat zingah an tel. (Sun)
c English midfielder Danny Drinkwater chuan Chelsea a chhuahsan hnuin a club hlui Leicester City-ah kir leh a duh. (SportBible)
c Manchester United chuan season liam taah loan a an hawh Austria midfielder Marcel Sabitzer leh Netherlands forward Wout Weghorst te chu a nghetin an lak hmel loh. Heng player pahnihte an hawh hun chhung hi zirtawpni khan a tawp tawh. (Manchester Evening News)
c Coventry City chuan Serie A club Atalanta in an ngaihven striker Viktor Gyokeres manah £20m an chhiar. (Sun)
c Paris St-Germain manager thar ni ngei tura ngaih Luis Enrique chuan Manchester City leh Portugal winger Bernardo Silva lak a duh. (90min)
c Spain boss hlui Enrique hian Atletico Madrid leh Portugal forward Joao Felix chu PSG-ah lak luh a duh bawk. (Relevo – in Portuguese)
c Arsenal chuan nipui bazar inhawn leh hunah PSG forward Kylian Mbappe lak an tum dawn. Mbappe hian nakum June thlaah PSG-a a contract neih mek a hmang zo dawn. (Football Transfers)
c Manchester United chuan Porto leh Iran striker Mehdi Taremi lak an tum. (Jornal de Noticias – in Portuguese)
c Chelsea chuan Spain full-back Cesar Azpilicueta chu free transfer in an chhuahtir a, kum 33 mi hian Atletico Madrid a zawm fel tawh. (Marca – in Spanish)
c Chelsea chuan Belgium striker Romelu Lukaku chungchangah inremna neihpui tumin Inter Milan an dawr. (90min)
c Real Madrid chuan forward Dusan Vlahovic chu Juventus atangin kum khat hawh an tum a. Vlahovic an hawh hun chhung a zawh rualin PSG attacker Kylian Mbappe chu free transfer in an la thei tawh dawn. (Calciomercato)