c Manchester United chuan Inter goalkeeper Andre Onana chu mimal inremna an neihpui thei tawh a, an la lut fel thei tep tawh. (Fabrizio Romano)
-- Advertisement --
c Inter Milan nen Onana man leh mualah inremna an neih theih loh tak palh thulhah tiin United hian si nghak dang an melh zui zel tho a. Si nghak thar an melh zingah Feyenoord si nghak Justin Bijlow leh Brentford si nghak David Raya te an tel. (Sky Sports)
c Red Devils hian £50m sengin Atalanta leh Denmark striker Rasmus Hojlund lak tumin hma an la mek bawk. (Telegraph)
c Manchester United hian an sum lak luh leh hman chhuah a inmil theih nan an player chhawr tangkai tawh lohte chhuahtir an tum a. Manager Erik ten Hag-a’n chhuahtir a phal zingah Brazilian full-back Alex Telles, Ivory Coast centre-back Eric Bailly, defender Brandon Williams, club captain Harry Maguire leh midfielder Scott McTominay te an tel. (Mirror)
c An captain Declan Rice chan mai tur West Ham United chuan Scotland international McTominay lak tumin an ngaihven a. Hammers manager David Moyes chuan Everton leh Belgium midfielder Amadou Onana a ngaihven tel bawk. (Guardian)
c Nipui bazar inhawn mekah Brighton leh Ecuador midfielder Moises Caicedo lak an duh a nih chuan Chelsea chuan £100m chuang zet an sen ngei a ngai dawn. (Telegraph)
c Ajax leh Netherland defender Jurrien Timber chuan zirtawpni khan Arsenal zawm turin medical test a hmachhawn dawn a. Arsenal chuan player indaihzai Timber hi £38.5m sengin an lak fel thuai an inring. (Standard)
c Tottenham midfielder Ivan Perisic chuan an manager thar Ange Postecoglou chuan a contract tihtawp a duh thu a hrilh a. Kum 34 mi hian Hajduk Split zawm a duh. (Gianluca Di Marzio)
c Atletico Madrid chuan Spurs hi Denmark midfielder Pierre-Emile Hojbjerg chungchangah an dawr a. Kum 27 mi hi Bayern Munich nen sawi zawm an ni bawk. (Mail)
c Southampton chuan Belgium midfielder Romeo Lavia manah £50m an pawm theih rin a ni a. Kum 19 mi Lavia hi EPL club lian Chelsea, Liverpool leh Arsenal ten lak tumin an ngaihven hlawm. (Sky Sports)
c Crystal Palace chuan an player pawimawh tak ni thin Wilfried Zaha chu an lak kir leh theih an inbeisei. Kum 30 mi Zaha hian Palace-a a contract hmang zo in, club nei lovin a awm mek a. Serie A club, Turkish club lian Fenerbahce bakah Saudi Pro-League club lian Al-Nassr ten an hnen pan turin an sawm ve bawk. (Standard)
c Fulham chuan contract nei lova awm mek Willian chu an hnena khel leh turin inremna an neihpui fel thei tep tawh. (The Athletic – subscription required)
c Chelsea atanga inpu chhuak tur United States forward Christian Pulisic chu AC Milan in £20m sengin an la lut thei tep tawh. (90 min)
c Leicester chuan an inthuam chak thar lehna tura sum tuak nan winger Harvey Barnes chu £40m sengin hralh an phal. Barnes hi EPL club Newcastle, Aston Villa leh West Ham ten an ngaihven hlawm. (Leicester Mercury)
c Arsenal leh France defender William Saliba chuan Emirates stadium-ah kum 2027 thleng cham turin contract thar a ziak fel ta. (The Athletic – subscription required)
c West Ham chuan Juventus midfielder Denis Zakaria lak tumin hma an la. Hammers hian kum 26 mi Switzerland international hi loan in hawh hmasak zet a, £15.4m seng lak ngheh zui atan an duh. (Guardian)
c Hammers hian Fulham midfielder Joao Palhinha leh freekick chhuih thiam James Ward-Prowse te chu Southampton atanga lak tumin an ngaihven ve bawk. (Guardian)
c Champions League khel tur Newcastle chuan rinlawk loh takin veteran Italy leh Juventus centre-back Leonardo Bonucci lak an tum teh tlat. (TEAMtalk)
c Serie A champion Napoli in £30m senga lak an dilna an hnar hnuin Wolves chuan kum 26 mi English centre-back Max Kilman kawl chhunzawm an tum thu an sawi nawn leh. (Telegraph)