Football titi

Bayern Munich chuan £70m sengin England striker Harry Kane dawr thar leh an tum a, an dawr tumna zat hi Spurs in an chhiarna zat a la phak lo viau thung. Kum 29 mi Kane hi an hnehnah kum khat chauh contract nei ni mah se tlawm taka hralh an tum lo bur. (Mail on Sunday)

c Chelsea chuan Al-Hilal leh Juventus ten an ngaihven Belgium striker Romelu Lukaku manah £40m an chhiar. (Guardian)

c Manchester United chuan Denmark striker Rasmus Hojlund chu mimal inremna an neihpui thei tawh a. Kum 20 mi hi Atalanta hnenah lak an dil leh dawn a. Italian club in an chhiarna zat hi £60m daih a nih vangin United nen hian an inrem thei kher lo mai thei. (Football Transfers)

c Tottenham chuan Chelsea player left-back / left-sided winger a khel kawp thei kum 24 mi Marc Cucurella dinhmun an thlithlai a. Cucurella hi Croatia winger Ivan Perisic hmunruak luahtu atan an duh. (Football Transfers)

c Tottenham leh Napoli te chuan Borussia Monchengladbach leh Japan defender Ko Itakura an ngaihven. (Sky Sports Germany, via Get German Football News)

c Paris Saint-Germain player paruk, player an lak thar pahnih telin te chuan club chungchanga a sawi dan duhawm lo tak vangin an president hnenah Kylian Mbappe chunga an lawm loh thu an thlen. (Sky Sports)

c Real Madrid chuan Mbappe lakna tur sum tuak an tum a. An midfielder pahnih Federico Valverde leh Aurelien Tchouameni te hralh theih an inbeisei. (Express)

c Chelsea chu Arsenal nen USA striker Folarin Balogun chungchangah indawr turin an inhawng reng. (Mail on Sunday)

c Dutch side FC Twente te chuan Manchester United leh Uruguay forward Facundo Pellistri chu loan in hawh an tum. (Voetbal International – in Dutch)

c Bayern Munich chuan Napoli leh South Korea defender Kim Min-jae chu a lakchhuah theihna zat 50m euro in lak chhuah an tum a. Kum 26 mi hi kum 2028 thleng daih contract ziahpui an tum. (Sky Sports Germany)

c Inter Milan chuan Bayern Munich hnenah Switzerland goalkeeper Yann Sommer lak an duh tih an hrilh. (Sky Sports Germany)

c Burnley chuan Borussia Dortmund centre-back Soumaila Coulibaly chu loan in an la thei dawn a. Kum 19 mi hi an la nghet duh a nih chuan 15m euro sengin an la nghet thei dawn. (L’Equipe – in French)

c Fulham chuan Brazilian winger Willian chu contract thar ziak turin inrempui ngei an tum. (Football Insider)

c Newcastle United chuan Aston Villa leh West Ham te hma khalhin Leicester City winger Harvey Barnes chu £35m sengin an la thei dawn. (Gurdian)

c France striker Kylian Mbappe chuan contract thar ziah a tum tawh loh em vangin tun nipui bazar inhawn chhungin ngeiin Paris St-Germain chhuahsan ngei ngai dawn niin a lang. (ESPN)

c PSG chuan an forward Mbappe hian 2024 nipui bazar inhawn huna zawm turin Real Madrid nen inremna an neih tawh an ring a. An player pawimawh hi man nei lova chhuahtir ngawt ai chuan tun nipui bazar inhawn chhunga ngam huai ber hnenah hralh hmiah an tum. (Sky Sports)

c Mbappe hian Premier League a pan dawn a nih chuan Arsenal zawm a duh. Mbappe hi lak duh viau mah se Arsenal hian bazarna tura an ruahman sa piah lamah sum tak tak an sen a ngaih dawn vangin Mbappe hi an lak theih a rinawm loh a, an la dawr lo bawk. (Independent)

c Athletico Paranaense chuan Barcelona chu Brazil forward Vitor Roque la fel thuai turin thu tawp an hrilh. Kum 18 mi hi Manchester United, Tottenham leh PSG ten lak tumin an la dawr chhunzawm ve reng bawk. (Mundo Deportivo – in Spanish)

c Inter Milan chuan Manchester United in lak an tum Andre Onana hmunruak luahtu atan Tottenham keeper Hugo Lloris lak an tum. (Foot Mercato – in French)
c Manchester United leh Onana ten mimal inremna an nei tawh a, Iner Milan nen man leh mualah an inrem thuai a rinawm. (De Telegraaf – in Dutch)

c Borussia Dortmund chuan an winger hlui Jadon Sancho chu Manchester United-a a dinhmun an thlithlai chhunzawm zel a. Sancho hian Old Trafford-a cham chhunzawm a duh ngei tura ngaih a ni thung. (Sky Sports Germany)

c United boss Erik ten Hag chuan Sancho bakah England defender Harry Maguire, Brazil midfielder Fred leh Scotland midfielder Scott McTominay te chhawr tangkai tumna a nei tawh lo. (Independent)

c Sporting Lisbon chu Coventry City nen Sweden striker Viktor Gyokeres chungchangah 24m euros (£20.5m) in inremna an nei theit a. (Fabrizio Romano)

c Atletico Madrid coach Diego Simeone chuan Saudi Arabian club Al Ahli in sum tam tak hlawh tura an sawmna hnar tur thu leh Atletico Madrid-ah a cham chhunzawm dawn tih a sawi. (ESPN)