Pathianni zing khan Las Vegas-ah hlawhtling takin UFC 290 neih a ni a. Featherweight champion Alexander Volka-novski chuan a kawng-hren chuhpuitu Yair Rodriguez chu knockout a hnehin, a kawnghren a humhin nawn leh. Pa-thianni zinga fight dangah Alexandre Pantoja chuan Brandon Moreno a hneh hram a, flyweight champion thar a ni bawk.
Featherweight champion Alexander Volka-novski hian kum 2019 a Max Holloway kawng-hren a chhuhsak hnuin vawi li ngawt a kawng-hren a humhim tawh a. Pathianni zinga a khing-pui Rodriquez sawpin phu takin a chak a, a vawi nga nan a kawnghren a humhim a, Featherweight huang a awp bet zui zel.
Fighter tha leh huaisen zet mai Volka-novski hian Rodriguez lakah bul a tan tha viau a, round khatnaah a khingpui a titlu mawlh mawlh a, a khingpui hi a chhaihbuai hneh hle. Round khatnaah chiang taka a chak hnuin round hnihah pawh a chungnung chhunzawm a, a khingpui a hnek tlawm hman teuh hle a, dar riin Rodriguez a chhan hlauh. Round hmasa pahnihah tlawm pumpelh hram mah se round thumnaah Rod-riguez hi a inveng zo ta ngang lo va, a tlawm ta nge nge. Round thum-naah Rodriquez-a’n bul tan tha bawk mah se Volkanovski-a’n a keuh thluk a, a hnek fuh ngun tak em vangin eferee Herb Dean chuan inhnek a titawp a, Volkanovski chuan a kawnghren a humhim leh ta a ni.
Pathianni zinga fight dangah Brazil fighter Alexandre Pantoja chu-an a khingpui Brandon Moreno chu split decision in a hneh a, flyweight champion thar a ni.
Volkanovski a chak nawn leh
Get real time updates directly on you device, subscribe now.
Prev Post
Next Post